378

vent pour les cous et les frais des wiit cens et quarante nuef verges un piet et nuef pous de diic devant dit, perpetuelment tenier bien et souffissamment, selonc les usages et les cous- tumes dou pays, de cent chiencquante et siis livres diis siet soûls et chienc deniers et une maile paresis par an, pour le mil quarante chienc et demie mesures quatrevins et seze et demie verghes de terre devant dites, cest de cascune mesure trois soûls paresis par an, pour la queile somme de deniers nous as devant dis., abbeit et couvent avons donneit et delivreit pour le devant dit diic tenir, de le somme de le terre devant dite quatre cens wit et demie mesures quatre vins et treze vergbes de terre. Et parmi ceste somme de terre, ke nous leur avons donneit et delivreit, nous et nostre hoir sommes quite et délivre a tous iours perpetuelment de coust et de frait mètre au devantdit diic. Et est a savoir ke sil avenoit ke en aucun tans on remesurast les terres devant dites, et on i trouvast plus de terre ke li somme deseuredite ne monte, rendre deverteus, nous ou nos hoirs devant nommeit, au devant dit .. abbeit et couvent, pour cascune mesure de terre ki plus i seroit trouvée, trois sols paresis par an pour le coust du diic. Et sil avenoit con i trouvast mains de terre ke li devantdite somme ne monte, li.. abbes et li couvens devantdit seroient tenus de rendre a nous, u a nos hoirs, de cascune mesure de terre ki mains seroit trouvée, pour le rabat kil aroient dou diic; trois soûls paresis par an. Et cest amendement si comme de cest choze deveroient il et seroient tenut de rendre et de paiier a nous, u a nos hoirs et nous en teile manire a eaus en ses deniers, par lestimation et le prisie de preudommes. Et est a savoir ausi ke sii avenoit kon dikast dehuers le diic qui orendroit est, de nouval vers le meir, et li diis ke li.. abbes et li couvens devant dit doivent tenir pour nous ensi ke dit est ascourchast ou amenresist et mains i euist de verghes a tenir, ke li somme devant dite ne monte, rendre doivent a nous ou a nos hoirs pour cascune mesure de terre trois soûls paresis par an, pour le rabat dou diic, selonc ce ke li coustume et li lois dou pays aporte, et selonc ce ke li diis seroit mains ou plus pcrilleus a tenir. Et sil avenoit que en aucun tans on fesist dikage, comme claimme inseten ou hueseten, et les dites terres fuissent taillies pour les cous et les frais de teil dikage, rendre les doivent cil ke tenut en seront par le loy dou pays, et ki les prens et les pourfis des dittes terres adont aroient et leveroient. Encore est a savoir ke sil avenoit ke ia naviengne ke toutes les mil quarante chienc et demie mesures quatre vins et seze et demie verghes de terre devant dites fuissent peries et repierdues par tempeste nouvele de meir, les convenances devant dites toutes entre nous et le dit .. abbeit et couvent faites seroient nules, ne ne seriens de ce de riens tenut a eaus ne il a nous. Et est a savoir ke li .. abbes et li cou vens devant dit paieront a nous et a nos hoirs des quatre cens wit et demie mesures quatre vins et treze verghes de terre, ke il ont de nous pour le devant dit diic tenir, cascun an perpetuelment teil cens et teile droiture, corne li terre paioit a nostre espier de Gand anchois ke Hossenesse fust derrainement pierdue, cest de wit mesures un denir ou la entour. Et parmi ces convenances si com eles sunt deseuredites et devises. Nous quitons pour nous et pour nos hoirs le dit., abbeit et le couvent, de le calenge ki faite leur fu de par nous kon appeile dicvellinglie, si comme de leur terres encoste Hossenesse et ailleurs gisans ou mestier de Hulst. En tesmoignage et en cognissance ke nous volons pour nous et pour nos hoirs, ke toutes les choses devant dites soient bien et fermement tenues al..

379

abbeit et au convent devant dit perpetuelment, avons ccs prcsentes lettres saielces de nostre saiel, ki furent faites et donnecs en lan del Incarnation nostre Sengneur Jhesu Ghrist mil deus cens quatrevias et treze, le jour saint Marc evangeliste.