Urbanus episcopus servus servorum Dei, dilecto filio Johanni abbati monasterii beate

Marie de Dunis, Cisterciencis ordinis, morinensis diocesis, salutem et apostolicam benedic-

tionem. Exposcit tue devotionis sinceritas et religionis promeretur honestas ut tam te

quam monasterium ipsum, dignis honoribus attollamus. Hinc est quod nos tuis in hac parte

supplicationibus inclinati, ut tu et successores tui .. Abbates dicti monasterii qui pro tempore

fuerint, mitra, anulo et baculo pastorali, sandaliis, ac aliis pontificalibus insigniis, libere

possitis uti, necnon quod in dicto monasterio et prioratibus ac parrochialibus et aliis ecclesiis

atque locis, eidem monasterio subjectis, et ad vos communiter vel divisim pertinentibus,

qumvis nobis pleno jure non subsint, ac etiam, de voluntate tamen et licentia ordina-

riorum locorum, ad quos pro tempore spectare dinoscitur, quibus per hoc nullum volumus

prejudicium generari, in processionibus et aliis honestis congregationibus, infra comitatum

Flandrie pro tempore faciendis, benedictionem solemnem, post missarum, vesperarum et

matutinarum solemnia, dummodo in benedictione hujusmodi aliquis antistes aut sedis apos-

tolice legatus presens non fuerit, elargiri possitis, felicis recordationis Alexandri pape

quarti, predecessoris nostri, que incipit: abbates, et aliis quibuscumque constitutionibus

apostolicis in contrarium edi<is nequaquam obstantibus, tibi et eisdem successoribus auctoritate

apostolica, de speciali gratia, tenore presentium, indulgemus. Nulli ergo omnino hominum

liceat hanc paginam nostre concessionis infringere vel ei ausu temerario contraire. Si quis

autem hoc attemptare presumpserit indignationem omnipotentis Dei et beatorum Petri et Pauli,

apostolorum ejus, senoverit in cursurum. Datum Rome apud sanctum Petrum , Idibus Octobris,

pontificatus nostri anno quarto.

L. A. Dk Cajeta. P. De Alatro.

20

m