Universis presentes litteras inspecturis Magister S. de Broburgis clericus et officialis domini Tornacensis, salutem in Domino. Noverit universitas vestra quod Ingeravenus de Sclipes per Henricum laicum, quem procuratorem suum constituerat, per litteras fratris J. domorum milicie templi in Flandria perceptoris, ad approbandum in nostra presentia instrumentum quod dominus Gossuinus quondam pater suus super immunitate thelonei sui quod habebat in Sclipis ecclesie de Dunis concessit sicut in predictis litteris dicebatur et ad quitandum in perpetuum ab omni theloneo quod ad ipsum pertinere poterat infra Sclipis, ecclesiam memoratam et ad obligandum tam ipsum J. quam heredes ipsius in perpetuum ad penam quadraginta solidorum Flandrie monete, ipsi ecclesie de Dunis tociens solvendorum, quotiens ipse vel aliquis heredum ipsius contra quitationem predictam et liberalitatis patris sui concessionem, aliquid attemptaret, prout in litteris procuratorum antedictis ab ipso procu- ratore coram nobis, cum inter dictos ecclesiam et J. super dicto theloneo questio verteretur, in jure exhibitis et lectis plenius vidimus contineri, approbavit in nostra presentia predictum Gossuini quondam patris ejusdem J. instrumentum et ipsam ecclesiam ab omni theloneo quod ad ipsum pertinere poterat infra Sclipis, in perpetuum quitavit et ad penam quadraginta solidorum Flandrie, modo superdicto solvendorum, tam se quam heredes suos, si ipsam penam, quod absit, committi contingat, per prefatum procuratorem in perpetuum obligavit. Actum anno Domini M° CG° XXX°quinto, mense Augusto, feria quarta post beati Bartholomei.