In nomine Patris et Filii et Spiritus sancti. Amen. Ut ea que inter homines geruntur rationabiliter perpetuam et inviolabilem obtineant firmitatem et unicuique jus suum integre conservetur, propter pacis caritatisque custodiam, diligenter expedit et debita sollicitudine posterum memorie commendare. Ea propter ego Hugo, abbas Sancti Petri Gandensis et universum capitulum nostrum notum esse volumus, presentibus omnibus et futuris quod totam terram illam maris, inter Hossenesse et Hontenesse jacentem, que Werplant sive Zant vocatur et quicquid juris ad eam pertinet, vel quicquid deinceps ei ex mari accreverit, cum tota decima, quam nobis ad usus fratrum nostrorum in ecclesia de Cosvorde scrvientium, bone memorie comes Flandrie Philippus contulerat, liberam in manus illustris comitis Balduini, nepotis ejus resignavimus, ad opus ecclesie Sancte Marie de Ounis, ut eam fratres ejusdem loci habeant et possideant libere, quiete et pacifice cum omni jure prefato, et ea teneant libertate, qua nobis fuerat a prefato comite Philippo concessa. Nec obsistere volumus huic facto sollcmpni quod privilegium quoddam a sepedicto comite Philippo nobis collatum, in quo de donatione istius terre insertum est, integrum ecclesie nostre remanebit et non can- cellatum , propter alia dona que in ecdem privilegio continentur , quod idcirco totum diligenter expressimus, ut indempnitati utriusque ecclesie nostre videlicet et Dunensis provideamus et pro salvatione et retentione privilegii nostri, ecclesie de Dunis nullum possit impedimentum, vel gravamen super hoc in posterum generari. Ut autem hoc, quod sollempniter factum est, nulla succedentium varietate, vel immuniri temere debeat, vel cassari, sigillorura nostrorum impressione et subscriptorum qui interfuerunt testimonio communimus. Testes: Willelmus prior Sancti Petri, Amandus suprior, Balduinus prepositus de Chosvorde, Boidin de Der- selghem, Arnoldus de Swinarde, Hugo de Vallo, Walterus de Suinard, Willelmus de Belle, Theodericus de Sancto Bavone, Arnoldus rusticus, Heinricus, Alolfus, Alexander, Symon, monachi et alii plures. Actum in monasterio Sancti Petri gandensis, anno Incarna- tionis dominice M° C° XCVI", octavo kalendas Julii.

m