Sachent tout cil qui sont et qui a venir sont et qui ceste chartre partie verront et oront, ke mes sires li abeis des Dunes et li couvens ont en warde de Eskevins et del commun delle vile de Bailloel en Flandres, quatre chartes, cest a savoir, deus qui parolent de monsin- geur Pierron de Witke, chovalier des tonlieus de Bailloel. Li un chartre est selei dou saiel me dame le contesse de Flandres, et li autre est seellei dou saiel monsingeur Pierron de Witke devant nomes, et ces deus chartres parolent tout dune convenance et dun acaat. Et

627

si a ausi li abeis des Dunes et li couvens a warder en leur warde deskevins et del commun devant nomes, deux chartres qui parolent, de Ywein, le maiieur del mestier de Bailloel. li un est scellci dou saiel monsingeur Jehan de Dampierre et li autre est seellei dou saiel Ywein le maiieur, et ces deux chartres parolent tout dune convenajice et dun acaat, et s'il avenoit cose ke eskevins et li communs devant dis voloient vir u avoir ces chartres devant dis ke mes sires li abes ne li convens ne mousterroit nullui nule chartre sans vij eskevins de Bailloel et un avouet et vm bourgois de Bailloel soffisans et ces xvi hommes couver- roient porter cele chartre partie seelet pendans dou saiel delle vile de Bailloel et pour chou ke nous eskevins et communs volons ke ceste chartre partie soit tenuus des ore en avant ferm et estaule, avons nous ceste chartre partie seellei dou saiel delle vile de Bailloel en Flandrcs. Ki fu faite en lan del Incarnation nostre Singeur mil et deus cens et quatre vins et un, le lundi apres le jour nostre Dame en mi Auest.