Allen den ghonen die deze presente letteren zullen zien of horen lesen, scepenen ende raed van der stede van Ghend saluut. Met kennessen der waerheden, wii doen te wetene, dat voor ons commen es, up den dach van heden, Damps Pieter de Brune, poortier van den Sande, utername van eerweerdeghen vadre in Gode, clen prelaet yan den cloostre van

y

254

den Dunen, ende over tghemeen couvent, zegghende dat hii brieven ghesien hadde mentioen makende, dat achtervolghende den overeendraghene van den drien leden van der vorseide stede men ordineren ende maken zoude in de viere ambochten, te diversschen plaetsen, viere blochuusen omme dc bewaernesse van den canten ende palen van den lande van Vlaen- dren, de coste ende penninghe der anelevendc, verreckende up alle de ghelandde in de zelve viere ambochten, bii gescote up elc ghemet twalef groten tsiaers in pachte weert wezende of daerboven, xn miten, ende up die min golden, int advenant van harer weerdde, also wel up de goedinghen van der faetegier kerk, up spoorters goed van der vorseide stede, als der ghediede, twelke hem dochte een zake grootelic bejeghende den voornoemden gods- huuse ende religieuse van daer, die van dien wel sculdich waren bevrijt te zine, aenghesien dat onze gheduchte heere ende prince hemlieden bii zinen openen bezeghelden letteren gheottrotiert badde ende belooft, mids der eontributie die zii ghedaen hadden, in de twintich duust goudine philippus, die hem tclergiit van den lande van Vlaendren toegheleit hadden, dat zii van allen anderen lasten binnen den zelven zinen lande beschut ende beschermt zoude werden. Men wiste ooc tgroot verlies die ziiliede ghehadt ende ghesustineert hadden van den Inghelsehen, ier cause van der upstaendcr oorloghe, in diversschen manieren, biddende zeere neerendstelick dat ziis verdreghen mochten wezen, of uterlicke thebbene, daert niet gheschien mochte lctteren van non prejuditie omme in toecommenden tiiden der mede hemlieden te moghen ghehelpene, evenverre dat recht vermoehte. Ende overmids dat ons haerlieder hendelic verzouc redelic dochte, lettende dat in ons niet en stont hemlieden te verdraghene, noch huere goedinghe van den vorseiden ghescote, ghemeerct den advyse der upghemaect bii den vorseide drien leden, so eist dat wii al voren overzien hebbende, ende ghevisiteert de vor- seide opene letteren van onsen vorseiden gheduchten heere eude prince, gheconsenteert hebben, ende ghewillecuert, bii virtute van dezen, meenen ende willen dat tvorseid gheschot, ter cause van den vorseiden blochuusen, ende dat daer ancleeft, gheen prejuditie, inder, noch achterdeel en draghe, den voornoemden godshuuse noch haren goediughen, in eenigher wiis, in tiiden toe te commene, nemaer dat zii bliven onghequetst alzo zii van ouds gheweest hebben, ende sculdich ziin te blivene. Bii den inhoudene van den voorseiden letteren van onzen ghe- duchten heere ende prince, ende andersins, emmere in de vorseide blochuusen doende ende contribuerende te dezer waerft gheliic andre toot deu hende van der dinc. Ghegheven in oorcondscepe der waerheit deze presente letteren onder den zeghele van zaken der vorseide stede van Ghend, den twintichsten dach van Septembre int jaer xmi" zesse ende dertich.

M. Alarts.

253