Wi Race van Gavere, here vau Liedekerke ende van Breda doen te wetene alle den ghenen die dese lettren sullen zien of horen lesen, dat wi gheven ende hebben ghegheven eulike van ons ende van den ghenen die na ons sullen chomen, bi rade ende bi den wille vau onsen mannen, die ghelede nemen up de honte der kerken sente Marien van den Duynen vri te varne, ende te kerne met al haren ghoede van ghelede ende van toelne ende van allen anderen costumen die men pleghet te nemene up de Honte. Omdat wi willen dat dese voorseide ghifte ende vriheide vast si ende ghestade, ende wi dar of willen wezen warant hebben wiet ghesegelt met onsen segle uthanghende ende wi Arnoud van Valkenesse ende cosien ser Willeins soene van Stapele, Jan ser Kenpen soene, Arnoud ser Wirten soene, Dankart Stollard, Heinric van den Hille, Willem ser Willems soene, Ghiselbrecht van Ossendrehct, Wolfard Bertoens soene, Arnoud Arnouds Belards soene, Kempe Pieter Belards soene, Arnoud Wouter Belards soene ende alle die ghene die ten ghelede behoren, maken cont dat wi die ghifte ende die vrihede die hir vor noemt es dar wi onse conscent toe hebbeu ghedaen loven, ende gheven alt rehctdat wire an hebben ende derkerken ghoed dat hir vornoemt es en mach gheen scip "becommeren tgoed en blievhet vri; omme dat wi willen dat dese brief vast blive ende ghestade van ous ende van den ghenen die na ons chomen sullen hebben wiet gheseghelt met onsen seglen. Ende wi Race van Liedekerke, here van Boenlaer, al die ghifte ende die vrihede die onse here onse vader ende siene man hebben ghegheven der kerken vanden Dunen also hir vorscghet es die sulle \vi houden ende doen houden in eulcken daghen. Ende omme alle desen vorseghede dinghe vast te houdene ende ghestade hebben wiet gheseghelt met onsen segle, ghegheven int jar ons Heren alsemen scrieft M° CG° ende neghentich svondages vor sente Agneten daghe.

219