nostra in Ardenia.

W. Dei gratia comcs Hollandie universis theloniariis et quibuscumque aliis dominio suo subjectis, salutem et omne bonum. Gum nos patris nostri, bone memorie, Florentii, comitis Hollandie, factis inherentes, ecclesiam de Dunis confratres ejusdem cum rebus et personis suis sub nostra recipimus protectione et conductu, ita etiam quod vel eorum per terram nostram et facultates et meatum aquarum, sine omni exactione theloniaria libere dcdu- cantur; cum tamen sibi compara*verunt quandam silvam in Ardenia jacentem in confinio de Givet quam, emerunt erga relictam domini Jacobi de Valle et liberos ejus, volumus predictam ecclesiam quoad dictam silvam, speciali gaudere libertate. Quo circa mandamus et volumus quatinus predicti fratres et nuntii ecclesie prenotate quotienscunque et quicunque terram nostram sive mcatum aquarum peragraverint, vehendo et ducendo ligna de prenotata silva resecata usque ad terminum sectionis ejusdem silve, nullatenus pro solutione theloniaria sive alia quacunque exactione molestentur ncc turpiter moneantur. Si quis autem theloniariorum in nostris theloniis positorum secus fecerit, novit se nostram offensam incurisse, et hujus- modi presumptionem nullo modo relinquemus impunitam. Ut autem fides huic nostre concessioni appareat, presens scriptum dicte ecclesie in testimonium contulimus nostro sigillo roboratum. Datum apud Middelbuerg, anno Domini M° CC° quadragesimo quarto, feria sexta ante septuagesimam.