pro Florentio, comite Ilollandie.

YVi Florens, grave van Hollant, maken cont alle die ghenen die desen brief sien solen ofte horen, dat voer ons quamen broeder Jan, Marien sone, die meister vander Grode , bi gheheete ende consente van sinen abbet vander Does, aen die ene side ende Henric Splinter haren Anthonis sone, van Rieden, ane die ander side, ende droeghen ouuer een bi horen ghoeden wille, van selker tuist alse hadde gheweest, alse vandien pachte die die voreghe- nomede Henric Splinter soude hebben onthouden den cloestere vander Does, die hi niet cn gaf den hove vander Grode op sinen dach the bamisse die leeden es, asse hi schuldich was. Ende in diere maniren siin ouuer een ghedraghen, dat die Henric Splinter, nu op dien iersten dach van Maerte die naest coraet, bethalen sal ende andweerden op sinen cost inden hof yander Grode thien pont Hollans vanden pachte van Alebrantswerde, ende dede hi des niet, so soude hi sculdich wesen dien voreghenoraeden hove the gheldene tuentich pont, beide vanden hoeft ghelde eude van diere peine die hi daer op gheset hevet. Voert so sel die Heinric 6plinter bliven in die pacht were vanden vrome vander helft van dien voreghenomeden Alebrantsweert dese naeste seven jare, jaerliichs omme vijf pont Hollans the gheldene ther Grode op sinen cost in sente Baven ,daghe ende dede hi des niet, so waer hi schuldich vijf pont daer tho van peine elkes jaers van desen thiiden alse hi niet en bethaeide sinen pacht op dien voreghenomeden dach van Bamisse. Ende waer oec voert van dien daghe qniit van diere hure, van dien weerde, ende en hadde daer aen en gheen recht, en waer dat sake dat die abbet vander Does hem daer af woude gracie doen. In orconde van desen dinghen so heb wi dese letteren beseghelt met onsen seghele, ende met broeder Jans segheie, des voreghenomeden meister vander Grode, ende met Henrics Splin- ters seghele. Dese brief was ghegheven in ons Heren jare tuelf hondert ende viif en tach- tich, des saterdaghes na sente Victoers misse. Voert so mach die abbet vander Does hier binnen vercopen dien weert wil hi ofte selve doen dikene ofte ander lijden doen dikene, ende alse hi dat doet so es alle hure van dien Splinter vri. Dese brief was ghegheven op dien voreghenomeden saterdach na sente Victoers misse in die selve jare ons Heren.

f

610