Wie Michiel Poelvoet ende Wouter Kanin, scepenen in Brucghe in dien tiden, doen te wetene allen den ghuenen die dese lettren sullen sien iof horen lesen, dat cam vor ons alse vor scepenen in ghebanre vierscarne up enen wetteliken dinghedach, deer Andries Wandelaerd ende kennede ende verlyede bi sinen eede dat hie al daer ghesyn hadde ende der over gheroupen was alse scepene metgaders den here Lauwers Zueringhe, daer Willem van Avennes ende Kateline syn wyf besetten, int jaer M. CGC. viere ende viertich, up den viertiensten dach van Laumaend, den here Jacopje van Avennes, monec in de abdie van

748

der Does, tsvorseid Willems broeder van Avennes, up een huus staende buten sinte Marien Brucghe ende up de camere der an staende an die zuidzide tvorseide huus, staende an die westzide van der strate, tusschen Adelisen huuse van Rosebeke of een zide ende Clais Mengers huuse of ander zide, ende vord noch up een ander huus ende up enen camere der an, staende buten sinte Marien Brucghe, tusschen Adelisen huuse van Bosebeke vorseid of een zide ende Ghiselins Werds huuse of ander zide, bede vorseide huusen ende camere up tsabs ende scovents land van den Ecoule, alse van viere ponden parisisen lyfrenten siacrs upt vorseide eerste huus ende caniere, ende noch van viertich sceleghen parisisen lvfrcnten siaers up tvorseide ander huus ende camere, ten live van den here Jacobpe van Avenncs vorscid, te gheldene die een elt van deser vorseider lyfrenten te sinte Jans messe eerst comende ende die ander elt te medewintre daer naer eerst comende elkes iaers ende also voord te gheldene die een elt van der vorseider lyfrenten, telken vorseiden sinte Jans roesse ende telken medewintre daer naer eerst comende, ten live van den here Jacobpe van Avennes vorseid, ghedurende also langhe als hie leven sal. Ende so welken tiden dat deer Jacob van Aveunes vorseid comen sal syn van live ter dood, so es te wetene dat de vor- seide vierc ponden parisiseu ende de vorseide viertich sceleghen parisisen bliven zullen ende sculdich syn te blivene ten vryen cghindomme der abbedien vorseid van der Does, als over hare vrye eyghinne goed hebbende ende ontfanghende van jaren te iaren ende van terminen te tcrminen, alsoct vorscid es, cwelike tallen daghen ghedurende als over de ziele van Willeme van Avennes vorscid ende van Katelinen zinen wive. Ende ghebrake an dese vorseide bnsettinghe yet datsie bedorve, van brande, iof te nieute ghinghe in so wat manieren dat het ware, dat wedden ende beloveden Willem van Avennes, Kuteline syn wyf vorseid over hemlieden ende over haerlieder naercomers, den vorseiden here Jacobpe van Avennes ende der vorseider abbedien vande te vulcomene ende te vuldoene up haer beder lyf ende up altgoed dat sie hebben. Ende vord so kennede deer Andries Wandelaerd vorseid waerd also dat der Lauwers Zueringhe vorseid levende man ware, dat hie al dit zelve kennen zoude recht ende waer kennen ende hie al daer zate ende hie ghemaend ware van sinen rechten maenre bi sinen eede, endc al daer so stond vor oghen ende in presente der Pieter soen als die ghuene die de macht hevet van den abt ende covente vorseid van der Does ende toghede dat die kennesse van al tal met hem bleven ware ende begherde dat men den aeldinghers van Willeme van Avennes, ende van Katelinen zinen wive dese vorseide beset- tinghe zoude ghebieden te lossene over twee waerve viere ponden parisisen ende noch over twee waerven viertich sceleghen parisisen tachter van tween jaren van der eweliker renten toebehoorende der abedien vorseid, ende al daer naer der begherten van den here Pietren soen vorseid bi manieghen van Eustaes Camphin, scouteten in Brucghe in dien tiden ende b; wysdomme van scepenen, so was den vorseiden aeldinghers van Willeme van Avennes, van Katelinen zinen wive, dcse vorseide besettinghe ghebodcn te lossene als over de vor- seide peneghen ende achter stellen binnen twintich daghen naest commende met vive pene- ghen parisisen van elken ghebode iof men andwerds nemmermeer behouden allen rechte. In kennessen van desen dinghen hebben wie scepenen vorseid dese lettren uuthanghende beseghelt met onsen zeghelen. Dese verkenninghe ende dit ghebod waren ghedaen up den neghensten dach van Novembre int jaer dusentich drie hondert zevene ende vichtich.

719