Wie Willem de Deken ende Diederic Coene, scepenen in Brucghe te dien tiden dat dese dinghen vor ons waren ghedaen, doen te wetene allen den ghuenen die dese lettren zullen zien iof horen lesen, dat van alle den contente, rancuene ende evelmoede dat was ende heeft gheweyst toten daghe van heiden, tusschen den abt ende den convente vander Does of een zide, ende Pieter, filius Jans, filius Heins, Carstiaen Carihool, Biquaerd filius Clais Vinx, Boudene filius broeder Niclais Maets, Jan siin broeder, Clais siin broeder, Joos filius Joos ende Willem filius Weyts of ander zide, dan of so verlieden Pieter Carstiaen, Biquaerd Boudene, Jan, Clais, Joos ende Willem vorseits. dat, dat wel ende wettelike vcrsoent es ende rieper over ons vorseide schepenen, ende al daer wiisden wie schepenen vorseid de paertien an beden ziden vorseid wel ende wettelike versoent. Ende so wie die dit zoendinc verbrake sprutende iof comende uten vorseiden accusoene ende ment schepenen kenlic maken moclitc, dat ne schepenen macht hadden te doen bannen uten sgraven lande van Vlaendreu tusschen den hondert jaren ende enen daghe also langhe alst schepenen goed soude dinken. In kennessen van desen dinghen dat sie zullen bliven vast zeker ghestade ende wel ghe- houden, so hebben wie schepenen vorseit dese letteren uuthanghende ghezeighelt met onsen zeighelen. Dit was ghedaen iut jaer van gratien doen men screef siin Incarnalion dusentich, drie hondert ende viere ende twintich, upten ellevensten dach van Meye.