"Wy Pietre Aernoud bailliu , Andries Lancbaerd , Jacob van Scoten , Passchicr Scinkele, Jan Maertin ende meestre Ghelain de Ketclare, scepenen van Poperinghe doen te weteue allen den ghonen die dese jeghewordeghe lettren zullen zien of hooren lesen, dat up den dach van heden, date van desen lettren, voor ons comuien zyn in propre persone Ghelain de Cot, Jau de Stier ende Rouger de Puud als voocht van Ghelainkiu, Triskin ende Kersti- nekin svorseid Jan Stiers kinderen, ende hebben verkent ende belooft ende elc zonder- linghe eve maniere dat hem aengaen mach, in onzen handen ende bi desen jeghewoordeghen lettrcn verkennen ende beloven te houdene goet, vast, ghestade ende van weerden alzulke sententien, wysdom ende vonnesse als eerweerdich vader in Gode onze gheduchte heere myn heere de abt vander kerke van sente Bertins, in Sent Oraaers, ghegheven ende ghewyst heift den xx"e° dach van Maerte lest leden, ten proffyte ende bate van minen heeren den religieusen abdt ende couvent vander kerke vanden Dunen, mencioen makendc van vyf ghemete endc drie roeden helft of daer omtreut erve ende cateilen ligghende ten hende vander kuere van Poperinghe, in den Uamhouc, tusschen myns vorseide heeren vanden Dunen, helfte ande noortzyde ende Jan Coorpaeps ande zuudzide, twest hende an Lauwerin Doedins helft, ende toost hende an Cornelis Basius helft, ende in sghelycx, zo hebben zy ende elc zonderlinghe belooft ende bi desen lettren beloven in contrarien vander vor- seide sententie, wysdomme ende vonnesse den vorseide heeren van den Dunen bi hemleden noch bi hunnen hoirs ende aeldinghen gheen belet onghcbruuc of molestie te doene of tc doene doene in eenegher maniereu, ende die te houdene ende doen houdene nu ende eeuwelic also vorseid es, up de peine van veertich engelsche noblen, goed van goude ende van ghewichten, vanden slaghe vanden conync Heinryc, begrepen inde submissie ende upgheven van beede den voorseiden partien van welker voorseide submissie ende ooc sententie voor- seid tinhouden hier naer volcht van woorde te woorde: Wy Jan, bider gratien Gods abdt van sente Bcrtins inde stede van Sent Omaers, int bisscopdom van Therembuerch, doen te wetene allen lieden dat onlancx es leden vor ons commen zyn religieuse persone damps Pieter Muerucl, monec ende als procureur ende inde name vander abdien vanden Dunen ghezeiten int vorseid bisscopdom also hy ons daer of sufiisanteleke heift doen bliken bi zekcren openen lettren ghezeghelt vanden abt ende couvente vander vorseide kerken van-

f

782

den Dunen an een zyde, ende Ghelain de Got, Jan de Stier hem staerc makende over hem ende zine kinderen, ende Rouger de Puud als voocht zynde vanden kinderen van Jan den Stier vorseid an ander zyde, omme paix ende minne tusschen hemleden partien te voorderne ende allen rygheur moeynesse ende costen , die tusschen den vorseiden partyen scoeden ende waren ghescepen te ghesciene uute zekeren ghescillen ende questien van ze- keren plecken van lande hier naer verclaerst hebben hemleden danof in onsleden ghesub- mitteert inder voormen ende manieren alsoot bi instruniente daer of ghemaect blykeu raach vanden welken instrumente tinhouden ende teneure hier naer volcht van woorde te woorde ende es dus: In nomine Domini. Amen. Tenore presentis publici instrumenti universis pateat evidenter et sit notum, quod anno ejusdem Domini millesimo quadringcntesimo tri- cesimo quinto, indictione decima quarta, mensis vero Octobris die decima, pontificatus sanc- tissimi in Christo patris ac domini nostri domini Euge.nii, divina providentia pape quarti anno quinto, in reverendi in Cliristo patris ac domini domini abbatis monaslerii sancti Bertini de - rilla sancti Audomari, ordinis sancti Benedicti, morinensis diocesis, meique notarii publki testiumque infrascriptorum ad hoc vocatorum et rogatorum presentia propter hoc personaliter constitutis, reverendo in Christo patrt ac domino domino abbate de Dunis ac religioso viro et honesto domino Pelro Mueruel, presbytero religioso expresse professo, ac procuratore et procuratorio nomine venerabilium et religiosorum virorum dominorum abbatis et conventus prefati monas- terii de Dunis, morinenus diocesis, prout de sue procurationis mandato ipse procurutor michi notario publico subscripto plenaiiam fecil fidcin ex una et Ghekno le Cot, Johanne le Slier pro liberis suis infrascripta ineunte et inse assumente, ac Rogero le Puut lamquam dktorum liberorum tutore atque eorum curam gerente et habente ex altera presenlibus, pre- fate pari.es el qutlibet earum pro se et nominibus quibus agunt pro bono pacis el concordie inler easdem nutnende et confovende, de tota questionis et discordie materia inter ipsas jam diu est, ratione qui?ique mensurarum alneti, seu nemoris, vel circiter inferius declara- torurn inchoata et mota et in quantum eas et qualibet earum tangit seu tangere poterit quomodolibet in fulurum et pro luboribus, sumptibus et expensis quus et quos hujusmodi qitestionis causa et rigore suslinere liabuissent de prudentium virorum consilio interveniente in prefatum reverendum patrem dominum abbatem sancti Bertini se submiserunt ct submil- tunt ac promiserunt et renunciaverunt juxta et quem ad modum in vulgali ydiomate hic sequitur: Up dc questie endc discoord zynde tussclien eerweerdeghen vader in Gode minen heere den abt vanden Dunen ende zinen couvente an een zyde, emle Ghelain de Cot, Jan de Stier hem staercmakende over ende name van zinen kinderen, ende Rouger de' Puud als voocht vanden vorseiden kindercn an anderc zyde, uute causen van zekeren plecken van lande, es te wctenc vyf ghemete ende drie roeden helft of daer omtrcnt erve cnde cateilen, ligghendc ten hende vandcr Kuere van Poperinghe, inden Hamhouc, tusschen myns vorscide hceren van den Dunen hclfte, ande noortzyde ende Jan Coorpaepe ande zuudzide, twest heude an Lauwerin Doedins helft, ende toost hende au Cornelis Basins helft. De vorseide partien omme paix ende vriendscepe te neuderne, ende costen ende moeynessen te scuwene, hebben hemleden ghesubmitteert ende submitteren int zeg- ghen, ordenance ende sententie van eerwerdeghen vader in Gode minen heere den abdt van sente Bertins in de stede van sent Oraaers ende hebben ghegheven ende bider teneure

783

van desen voor ooghenen instrumente gheven vulle macht de voorseide partien te hoorne in al tgliuend dat zy leiden zegghen, tooghen, proposeren ende overgheven zullen angaende ende nopende der questien ende dinghen voorscreven. De welke partien elc an zine zyde zullen zyn ghehouden biu veertienachten naestcommende over te ghevene huerledere inten- dit in ghescriften ende elc gheven overe ooc meide brieven, tsaertren, registren ende andere manieren van ghescriften ende amministreren, ende bcleeden huerledeu orconden bin desen voorseide veertienachten , dewelke intendit brieven, tsaerts ende orconden daer mede dat hemleden de vorseide partien zullcn willen ghehelpen bi minen vorseide heerc van sente Bertins, ende ziue lieden ende raden ghehoort ghezicn ende ghevisenteert, zal hier up zine sententie eude ordenance arbitrale gheven, uten ende pronuncieren, dewelke sententie ende ordenance arbitrale de vorseide partien, es te wetenq myn vorseide heere vanden Dnnen ende damps Pietre Mueruel, als procureur ende inde name voorscreven an een zyde, ende Ghelain de Cot, Jan de Stier over zine vorseide kinderen, ende Roeger de Puut als voocht vorseid, hebben belooft ende beloven goet, vast ende ghestadeleke te houdene teeuweleken daghen eist met hemleden of jeghen, ende dat up de peine van veertich inghelsche gul- dine noblen , goet van goude ende van ghewichten, van den slaghe van dcn conync Hein- ryc, te verbuerne bider partien die tvorseid zegghen, sententie ende ordenance arbitrale niet houden zal, vander welker peine teen derdendeel wert gheappliquert tons gheduchts princen waert, tweede derdendecl der prochiekerken van sente Bertins van Poperinghes, ende tderde derdendeel der partien die den vorseiden zegh, sententie ende ordeuance hou- den zal, ende moet myn vorseide heere van sente Bertins zinen zech, sententie ende orde- nance uten zegghen ende pronuncieren bin paesschen naestcommende, welc tyd ende te wat daghe dat hem zal ghelieven, den welken dach als myn vorseide heere van Sente Bertins zal willen uten zegghen ende pronuncieren zine vorseide sententie ende ordenance arbitrale hy zal doen te wetene ende beteekenen den voorseiden partien ooime dieu te hoorne. Ende hebben de vorseide partien ende elc van hcmleden ene maniere dat elken angaeu ende nopen mach inde name vorseid gherenunciert ende renuncieren tallen dinghen; gheesteieke ende weerleke, generalen ende specialen die hemleden partien of eenich van hemleden zouden moghen helpen of deeren, jeghen tinhouden van deser vorseide submissien ende ten rechte zegghende dat generale renuntiatic van gheenre weerden es. De quibus omnibus et singulix premissis prefate partes hinc inde petierunt a me notario publico subscriplo sibi fieri utque tradi publicum instrumentum unum vel plura testimonia astantium invocando. Acta fueritnt hec in villa Poperingense, in domo habitationis prefati reverendi patris domini abbatis sancli Bertini, sub anno, die, indictione, mense et pontificatu predictis, presentibus sublimis sciencie viro magistro Johaune Almaris, sacre theologie doctore, magistero Jolianne Roene, sancti JUar- tini Yprensis religioso, Nicolao de Nieppa, Guillelmo Avezart et pluribus aliis testibus ad premissa vocatis specialiter et rogatis. Et quod ego Salomon Basin presbyter, morinensis diocesis publicus apostolica auctoritate notarius, premissis submissioni, prcmissioni, renun- tiationi, ac celeris aliis dum et prout suprascribuntur fierent, dicerentur et agerentur unacum prenominalis testibus presens interfvi eaque sic fieri vidi et audivi et in notam recepi ex qua hoc presens publkum instrumentum tnanu propria scriptum confeci, ac signo meo solito signavi hic me propriu manu subscribens requisitus et rogatus in fidem et tes

784

limonium omnium et singulorum premissorum: Dewelke submissie voorscreven biden vor- seiden partien aldus in ons ghedaen cude up gbegheven, wy te nerenster beide ende verzouke vanden vorseide partien hebben die ondernomen, ende hebben naer der voorme cnde in houdene vander voorseide submissien gheproccdeert ende ons doen iuformeren van- den rechte van partien vorseid bi goeden levenden orconden ghezwoorcn eude up haerledere eed ghehoert ende nerensteleke gheexamineert up diutcndit ende articleu van beeden par- tien ons over ghegheven, ende huerledere orcondscepe ghedaen, legghcn in ghescriften eude voort ontfanghen lettren ende brieven ende al tgheund daer hem dc vorseide partien mede licbben ghewillcn helpen deene jeghen dandere. Dewelke intendit ende articlen, orcondscepe cnde al dat partien vorseid hebben ghewillen zegghen ende overgheven, wy nerensteleke hebben ovenien ende ghemerct, endc daer up ghehadt goeden rypcn raed met clerken van rechte ende hier up ghesloten ende gheconcludeert sommierleke omme der up onzen zegh, ordenance ende scntentie te ghevene ende te utene te zekeren daghe es te wetene sdisen- daechs naer Letare Jherusalem, den xx"*n dach van Maerte, tjaer onderscreven, dcn welken dach wy hebben doen teekenen ende laten weten den vorseiden partien omme te commene hooren onzen vorseiden zech ende sententie arbitrale ten vorseiden daghe. Ten welken daghe zyn commen de vorseide damps Pietre Mueruel, als procureur encle inde name vander abdien vanden Dunen vorseid an een zide, ende Ghelain de Cot over hem ende Jan de Stier ende zine kinderen, ende als precureur van Rouger den Puud als vooch vanden vorseide kin- deren an andre zyde, begherende ende verzoukende te hoorne onzen vorseiden zech, orde- nance ende sententie arbitrale up haerledere ghescil ende questie vorseid, zo eist dannc dat wy Jan, abdt van sente Bertins vorseid , tcn verzouke ende begherte van partien vorseid, als juge ende arbitre ghenomen ende ghecoren biden vorseiden partien alsoot blyct bidc vorseide submissie daer af ghemaect, over ghezicn, ende ghemerct tghuend dat vorseid es, zegghen ende over recht ende bi sententien wysen dat de vorseide vyf ghemete dric roeden lands of helft, of daer omtrent, danof dat questie ende ghescil heist ghezyn tusschen den vorseiden partien tote den daghe van heden toebehorende zyn ende zullen behooren der abdien vanden Dunen, ende zal daer of ghebruiken eeuweleke ende ervelekc betalende de renten daer ute gaende ende ghevende verbuerleken man also de lettren cnde brieven daer up ghemaect spreken cnde in houden. Ende dat Ghelain de Cot also vcrre alst hem noopt ende zine medepleghers als ende inde name vanden kinderen van Jan dc Stier of eenich van hemleden negheen recht hebben inde vorseide vyf ghemete drie roeden lands of helfts of daer omtrent, ende ontwyzen hemleden die gheheeleke; ende al bi deser onzer voor- ooghene sententie wysen voort dat de vorseide Ghelain ende zine medepleghers ende als procureurs vanden vorseiden Roeger, voocht vanden vorseiden kindereu, zullen verkennen voor onzen bailliu ende scepenen van onzen doorpe van Poperinghe, onse voorooghene sen- tentie zynde goed ende van weerden, ende mids dezen zo zal elke partie houden harc costen an haer zelven. In kennessen der waerheiden zo hebben wy Jan, abdt, als juge ende arbitre vorseid dese onse voorooghene sententie, ghezeghelt raet onzen zeghele uulhanghende. Ghedaen iut jaer ons Heeren dusentich viere hondert ende viven dertich. den xx dach van Maerten vorscreven, mids welken de vorseide Ghelain de Cot, Jan de Stier ende Roeger dc Puud , inde narae als boven onslieden, bailliu ende scepenen vooruoemd ghebeden ende

785

verzocht hebben, endo bi dezen lettren bidden ende verzouken dat wy de zaken ende beloften voorscreven up hemleden kennen ende orconden wilden, ende daer of gheven den vorseiden heeren vanden Dunen onze opene beseghelde brieven, waeromme wy bailliu ende scepenen voornoemd ghegegven thuer vorseid bede ende verzouke ende in teekene ende kennessen der waerheit hebben deze jeghewoordeghe letteren ghezeghelt met onzen zeghels uuthanghende, int jaer MCCCC vive ende dertich, den laetsten dach van Maerte voor Paesschen.