Wy Lodewyc grave van Vlaenderen, hertoghe van Brabant, grave van Nevers, van Ret- hcers ende heere van Machline, doen te wetene allen lieden, dat van den ghescille dat was baughende vor ons, als heere ende prinche vanden lande, tusghen den religieusen abd ende convente vander kerken vanden Dunen an deene zide ende onsen lieven neve Willemme grave van Namen an dandere, als van zekeren parcheele van lande ende van scorre, dats

753

te wetene, deene helt vanden scorre licghende vor tNordhof ende Calfsteert, ende een stic scors, licghende bi Raes Mulards polrekine. Item omtrend hondert ghemeten lands ghedyct ende onghedyct, licghende tusghen Puederspolre ende Speelmans Vliet, ende omtrend veer- tech ghemete lands onghedyct, licghende vor den middeldyc. Item omtrent vyf hondert ghemete lands, licghende bi tSaeftinghen in Nieuwe Vrankendyc, tusghen Wulpen ende Smede- Vliet, daer of de vorseide religieusen maintenierden ende seiden dat onse vorseide neve hemlieden onghebruuc dede met sinen onrechte. Up twelke ghescil partyen vor ons gheroupen ende over ghenomen in ghescriften den heesch vanden vorseiden religieusen ende de weere van onsen vorseide neve van Namen, ende ghehoort alle zaken die partyen an deene zide ende an dandre daerin voortsetten, segghen ende int vermeten lecghen wilden, ende spe- ciaelleke van enen compromisse, dwelke onse vorseide neve seide dat tusghen hemlieden daer of ghesyn zoude hebben ende ghetermineert was langhe tyt leden wel tien jaer of daer omtrend, bin onser Moyen tiden, zirc moeder. Jeghen dwelke compromis ende jeghen de terminatie, die daer of gbezyn zoude hebben, de vorseide religieuse vele redenen tooch- dcn bi dcn welken si seiden dat niet sculdech ware ghehouden noch van weerden te zyne. Wi ghehoort deene partye ende dandre ordineerden ende stelden zekere commissarize van onsen rade, dats te wetene her Inghelram Ilauweel, ruddere, mecster Janne vanden Boem- garde, profst van Seute Verelden te Ghend, cleerc, ende hcr Lambrecht Vromoude, onsen secretaris, om te truckene alomme daer daeromme behoren zoude te truckene ende te bezoe- kene wel ende neeresteleke de recbte waerhede up alle de vermete vanden vorseiden par- tyen bi den ouderingben ende bi alleu goeden lieden, die partyen daer of ghehoort wilden hebbeu, ende daertoe over te nemenc alle privilegien, lettren ende munimenten, die zy in manieren van prouven overgheven zouden willen. De welke onse vorseide commissarize trucken up de sticken daer af tghescil was, ende daer naer te Hulst ende daden daer of gbclyc wy hemlieden ghelast hadden, beede parlyen voor oghen wesende ende elke par- tye amministrerende hare orconden ende overghevende copie van allen privilegien, letteren ende munimenten, daer mede zy hemlieden ghehelpen wilden. Ende was zo verre daer in voortghegaen dat beede deene partye ende dandere hemlicden over vernought hilden van orconscepen ende van prouven, ende concludeerden in de zake teere zekere dachvard, die wy hemlieden daer up ghemaect hadden ende begherden an ons als juge ende heere ende prinche van den lande dat wy heralieden recht duer of daden. Daer up wy hemlieden ecnen zekeren dach stelden. Ten welken daghe wy den vorseiden partyen daden secghen ende verzouken hoe dat wy al ghereet waren de vorseide zaken te slitene ende te termineerne na rechte. Nochtan om beter ghedaen danne ghelaten ende omme de meere ghelaechlicheide, ruste ende pays van partien cnde te claerre verscheede te zine, dat zy ons tvorseid ghescil wilden consenteren te slitene of te termineerne, waert naer rechte of naer onsen goeddin- kene alsoot ons redenlyc ende profiteleec dinken zoude, dwelke beede partyen, dats te wetene ousc vorseide neve van Namen ende dabt ende de procurcerre van den convente van den Dunen, vor oghen wesende ende macht clerof hebbende van haren souvrain bi lettren, die zy daerof toochden, die wy tonswart bchouden hebben, vriendeleke consenteerden ende ghe- loofden te houdene ende ghetrouleke te vulcoramene, zo wat wy daer of secghen ende ordineren zoudcn, in wat manieren dat vvare so dat wy dit ghedacu, den vorseiden partien eenen

95

1U

zekeren dach stelden om onsc secghen ende seutentie te hoornc van den vorseide ghescille

versien tvorseide Lezouc ende al dat partien an deene zide ende an danderc voort gheset

ende ghepronft hadden bi dcn meesten ende sofGsansten van al onsen rade, baenraetchen,

rudderen, cleerken ende knapen hier achter ghenoemt. Ten welken daghe beede partien

voor oghen wesende, wy hebbcn tvorseide ghescil ghetermineert ende derof ghewyst also

hier naer volgt. Teerst naer den compromisse ende naer den voortgane van den compro-

missarizen ende naer al datter of bevonden es int bezouc tusghen onsen vorseiden neve den

grave van Namen ende den religieusen van den Dunen. So dinct ons ende onsen rade,

dat tsecghen van den compromissarizen niet sculdech es van weerden te zine bi vele poin-

ten, die wy wel tonswart hcbben speciaelleke omdat de orconden van dien vanden Dunen

niet ghehoort mochten zyn, ende dat de vorme van den compromisse daer in niet ghehouden

en was. Voort omme de conditien, die int traitiet ende int acord staen, die niet vulcommen

syn, speciaelleke omdat niet bevonden es datter tcouvent van den Dunen eenech consent

toe dede of yemen anders mach derof hebbende van den couvente, ende daerof zyn oec

te merkene eeneghe bullen ende statuten over ghegheven bi den vorseiden religieusen, dat

zy van der erven van der kerken niet compromitteren en moghen, speciaelleke sonder haren

souvrain. Voort van den scorre voor den polre van Calfsteert ende voor den polre van

den Noorthove, naer den bezouke ende naer den privilegien, die beede partien in manieren

van prouven over ghegheven hebben, ende naer de costumen ende usagen vanden vier

ambachten gheprouft bi den vorseiden bezouke. So dinct ons ende onsen rade redenlyc over-

mids dat tprivilege van den grave Philips inhoud, dat hi den huse van Cosvord gheeft

dland daer boveu ligghende tusschen Ossenesse ende Hontenesse, ende al dat den vorseide

lande ane wassen mach van der zee, dat de religieusen vorseid van den vorseiden scorre

behouden ende paisiveleke besitten zullen tscor buten dycs also breed als hare erve binnen

dycs streckende ende ligghende es ende al datter an wassen mach van der zee voort ter

zeewaert an. Voort van den Zytscorre, bi Raes Mulaerds polrekine, groet wesende omtrent

vier waerf twintech achte ghemete lands, daer dland binnen dycs licghcnde den vorseiden

religieusen niet toebehoort, hoe dat de religieuse daer of possessie ghehad moghen hebben.

So soude ons redenlic dinken dat tvorseide Zytscor bet sculdech ware den grave van Namen

toe te behoorne dan den religieusen, maer omme de meeste ghelaechlicheide, ruste ende

pays van partien, so ordineren wy ende secghen dat tvorseide Zytscor den vorseiden reli-

gieusen toe behoren sal ende dat men hemlieden dat besteken cnde ofpalcn zal, macr an

dat Zytscor so ne moghen de vorseide religieusen gheencn aenweerp hebben, ende daer

jeghen, so wysen wy an den grave van Namen , in rccompensatien van dien al tvoorland

tusschen Pueders polre ende Speclmans Vliet daer in de vorseide rcligieuse hiesschen tote

hondert ghemete lands. Ende daer toe wysen wy hem an al tvoorland licghcnde voor Middeldyc,

daer in de voorseide religieusen hiesschen tote veertech ghemetc lands, behouden dien dat de

vorseide religieuse paisiveleke ende onbegrepen altoes zullen moghen nemen erde voor hare

vorseide dike van Pueders polre ende van Middeldyc, om hare vorseide dike der mede te

makene ende te houdene stande, te haren meesten proffite sonder oorlof of consent derof te

nemene of te zonkene an den gravc van Namen of hera eenich recht der of te ghevene. Voort

van deu vyf hondert ghemete lands in niewe Vrankendyc ghedyct ende onghedyct naer den

755

heesch van den religieusen, die zo donker es de welke gheene palen claerleke bescheet, ende naer den privilege van der graefnedinne Margrieten ende de lettren van Pieter Belarde, ende naer datter de orconden of gheorcont hebben, so ne diuct ons de heesch ende de zaken niet zo claer dat wy daerof den grave van Namen yewerin zouden connen condempneren of absol- veren. Ende wysen daer of de vorseide religieuse ende den grave van Namen, elken staende up. zyn goede recht, ende waert zoe dat in eenech van den vorseide pointen ware eeneghe donkerheit, daerof onthouden wy de kennesse ende de verclaersinghe tonswart ende tonsen hoyre ende naercommers graven van Vlaendren, om die te doene in tiden ende in wilen, wanneer wys versocht werden, ende over dese sententie te ordineerne ende daer naer te pronuntyrne. So waren van onsen rade: de heeren van Ghistelle, de borchgrave van Dixmude, her Vranke van Hale, de heere van Scoersse, de heere van Pouke, de heere van Maldighem, de heere van Coolscamp, her Willem van Reynghertvliete, her Gheerard van Raessighem, her Roegier Boetelin, her Inghclram Hauweel, her Goessin de Wilde, onse ontfangher van Vlaenderen, de proofst van Hollebeke, de deken van Brucghe, onse can- chellier, de proofst van sente Verelden te Ghend ende Rogier van Lichtervelde. Dit was gheordineert, te Denremonde den sestiensten dach van Ouste ende daer naer ghepronuntyrt te Crubeke den eersten dach van Septembre, int jaer ons Heren dusentich drie hondert achte eude zestich. In kennessen der waerheden, ende omdat wy willen dat alle dese vorseide dinghen bliven goed, vast, zeker ghestade ende wel ghehouden teeweliken daghen, so hebben wy dese lettren ghedaen zeghelen met onscn groten zeghele uuthanghende. Ghegheven als boven.

Bi minen here in sinen raet boven ghenomt, J. Brdne.