CLXV. — Page 183 v\ Quod episcopi celebrantes in monasteriis vestris oblationes non usurpent. Bonifacius episcopus servus servorum Dei, dilectis filiis.. abbati monasterii Cystercii ejus- que... coabbatibus et conventibus universis cysterciensis ordinis salutem et apostolicam bene- dictionem. Series oblate nobis vestre petitionis habebat, quod licet ea que in ecclesiis monasteriorum vestri ordinis pie devotionis affectu a Christi fidelibus in missarum sollempniis offerantur fratrum monasteriorum episcoporum usibus ex speciali privilegio sedis apostolice debeant deputari. Nonnulli tamen ecclesiarum prelati ducti avaritie spiritu cum eisdem monas' teriorum predictorum ecclesiis predicti sollempnia celebrantes oblationes quas ad manus eorum hujus celebrationis tempore fieri dinoscitur ad se pertinere indebite asserentes predictas obla- tiones a monasteriis ipsis asportare presumunt in ipsorum monasteriorum et personarum deser- vientium in eisdem non modicum prejudicium et gravamen, super eo petistis humiliter per apostolice sedis clementiam provideri. Nos itaque ad vestrum et monasteriorum ac personarum in ipsis degentium statum felicem et prosperum piis studiis intendentes auctoritate apostolica districtius inhibemus ne aliqui prelati cum ipsis in eisdem ecclesiis monasteriorum ipsorum soilempnia celebrare contigerit prelibatas oblationes tunc pervenientes ibidem sibi quomodo- libet vendicare presumant, si eas in monasteriis ipsis seu locis eorum omnino dimittant fratrum monasteriorum vel locorum ipsorum usibus perfuturas. Nulli ergo omnino hominum liceat hanc paginam nostre inhibitionis infringere vel ei ausu temerario contraire. Si quis autein etc. Datum Anagnie V Idus Septembris, pontificatus nostri anno primo.