Universis presentes litteras inspecturis, Lambertus, decanus Christianitatis furnensis, salutem in Domino. Noverit universitas vestra quod Clais, dictus Jacob, propter hoc in nostra presentia constitutus, contulit, tradidit et guerpivit ecclesie beate Marie de Dunis, in puram et perpetuam elemosinam, unam mensuram et XVI virgas terre, in parrochia sancti Georgii juxta Novum Portura, in nova terra juxta terram Petri de Score jacentis. perpetuo possidendam: Heila, uxore ipsius, Clais et Johanne primogenito ipsorum, astautibus et dictis collationi, traditioni et guerpitioni exhibentibus consensum voluntarium et expressum hoc adjecto, si abbas et conventus predicte ecclesie de Dunis in posterum ab aliquo seu ab aliquibus, occasione predicte terre aliquam paterentur calumpniam, aut gravamen, quominus de predictis colla- tione, traditione et guerpitione pacifice gaudere possent, predicti Clais et ejus uxor necnon et heres ipsorum coram nobis promiserunt, qui ipsam terram predictis abbati et conventui de Dunis et eorum ecclesie contra omnes homines garandirent. Et ad hec omnia fideliter adimplenda obligarent omnia bona sua, que in presentiarum tenent et possident et precipue unam mensuram terre domui sue, in qua nunc manent, propinquorum, quam inquam men- suram terre non licebit, dictis Clais, uxori sue ac heredi eorum sine consensu, ac licentia predictorum... abbatis et conventus de Dunis infra XX annos vendere aut aliquo modo per- mutare. In cujus rei testimoninm et munimen ad instantiam et preces predictorum Clais et uxoris sue et heredis eorum presentibus litteris sigillum nostrum duximus apponendum. Actum anno Domini M° CC° LX° tercio, feria tercia, octava Epyphanie Domini.

559