In nomine Sancte et individue Trinitatis. Amen. Que inter homines geruntur proccssu temporum, hominumque decessu, in oblivionem venire, ac per hoc iniquis ut inique agant facultatem prohibere solent, sicque fit ut pleraque que satis recte sunt parum caute gesta sunt cassentur sepissime. Proinde ego Milo, Dei gratia morinensis episcopus, curans ut ecclesia de Dunis quod juste obtinuit etiam quiete possideat, tam presentibus quam futuris, notum facio quod quidam Alnothus, cum matre sua et sorores ejus cum maritis suis, Lamberto scilicet et Willelmo et fratris sui Heriberti heredes, cum propinquioribus suis, terram quondam in Wulpan, circitcr C. et unius mensurarum, prefate ecclesie, partim ad precium, partim in elemosinam contradiderint. Quam donationem seu vendicionem quidam de propinquis non multo post infringere moliti sunt, itum est ad judicium, ubi audita utriusque allegatione, judicio scabinorum tota illa terra ecclesie supradicte confirmata est. Porro ut judicium hoc staret inconvulsum, adjecto a nobis anathematis terrore roboratum est. Quisquis igitur hanc

446

donationem, seu venditionem sic factam et sic confirmatam, deinceps perturbarc temptaverit, illum etiam nunc insolubili anathematis vinculo ligamus, in inferno sine fine cruciandum, si non resipuerit. Actum Furnis, anno M° C° XL° II, me presente et Sibilla comitissa, cum filio suo Balduino presidente, quibus Theodericus comes percgre profectus, terram suam liberatemque in ea et de ea disponendi potestatem dereliquerat. Testes Milo, archidiaconus, Rogerus Brugensis prepositus, Balduinus Furnensisprepositus, SimonSanctiNichoIai Furnis abbas, Gerardus dccanus, Folcramnus decanus, scabini: Reinelmus de Lampernesse, Heribertus de Vulfrighem, Philippus de Isenberga, Euvan de Lampernesse, Hagabarnus Coudascure, Herinus Niger, Erkembaldus Happekin, Walteru3 de Pofesla, Erembaldus filius Vulfrani.