Wy Jan vander Brugghen, bailliu van Veurne, Seygher de Vaelwe, Boudene van Ysem- berghe, Heinryc Mulacrd, Jan Glielgiaerd, Jacob Salemoen ende Jan Bruninc, sceipene ende coriers van Veurnambocht, doen te wetene allen lieden, dat miin here dabt vanden Dunen ende tghemene covend, daden versouken ende bidden vriendelike, anden here ende ande wet omme ene vergaderinghe te hebbene ende ene sprake metten goeden lieden die gheland zyn upt Slabledekin ende up de Zeipe, die loopt te Ghiselin Loyrs waerd, omme dat te doen verdelvene ende so wiid maken dat zire in varen mochten met sceipen van Veurne tot den Doelkine. Ter welkcr versouke ende begaerte, so was hemleiden ghecon- senteert ene dachvaerd te houdene ende ene sprake biden here ende bider wet ende biden goedcn lieden die gheland zyn upt Slabledckin ende upde vorseide Zeype, ende tcr voor- seide dachvaerd, so quamen dans Jan Yanden Berghe, prioor ter kerke vanden Dunen , dans Ileinrijc Mathiissoen, portier ende buersier, dans Lambracht Bels, mcester vanden Boom- gaerde, dans Ghristofels Vanden Stene, watergrave, ende broeder Jacob Joris, nieester ten moere , presenteerden daer over de kerke vanden Dunen dat zij tSlabledekin ende de Zeipe wilden doen verdclvcn ende widen te haren costen ende tland dat zii nemen zouden dat wel te betaelne, ten segghe vanden here ende vander wet of so wie dat mer toe nemen zoude, voort so begacrden zij wel te betaelne bove den canten vanden overen an beden ziden tland breed onderhalven voet, ende dat zal elc yeghen *ijn land moeghen orbaren mct beesten ewelike tallen daghen mer niet eren no zayen mocgben. Voort so pre- senteerden zii, dat de kerke vun den Duncn, de vorseide scipleed ewelike tallen daghen

625

zal doen rueten te haren costen ende doen verdelven alst hemlieden goed zal dinken. Behoudcn dies dat zy dat royt ende de aerde werpen moeghen upder goederlieder land zonder begriip, iof het en ware dat zii enighe vruchten aergheden der meide dat willen zy betren ten zegghe vanden here ende vander wet of vanden goenen die mer toe nemen zoude. Voort so consenteerden zy alle manieren van lieden dat zy met scepen varen moe- ghen, in de voorseide scipuaerd van Veurne toten Duunvalle, alst hemleiden ghelieven zal, voort so willen zij enen Steendam doen maken ten Doelkine daer de scipuaerd commen zal inder kerke vanden Dunen land ende ewelike doen houden te haren costen also alst hemleden ghelieven zal. Ende up deise vorseide presentatien, die goede lieden die daer an gheland zyn, dats te wetene myn here Jan Sporkin, rudder, Pauwels Zannekin, Lotin de Rouc, Jan de Scepene, Gillis van Warheem, de wedewe Jacobs van Staule, Joris Tac- kelin, Clement de Quinkere, Wouter Clawe, de joncvrouw Jan Erleboudts, Maerx de Scot, Clais de Lustighe, Pieter Spade, Tobin Tand, de kinder Luux Smichts, Jan Heem, Davyd de Busschere, Wyd Ghiselin, Cornelis Brecht, de poorte vanden Dunen, de kinder Jan Domaes, Reynaud de Visch, Jan Bonin, Jan Moen, de wedewe Jacops van Ysinghem, Pieter Coppin, Jan Moydsoene, Benedictus Snaggaerd, Gaelpin de Dint, Jakemin Baerd cnde Jacob de Corenlose. Wel maerkende ende oversiende, nader vorseide preseniatien, dat hem- lieden ende haren naercommers vele meer te baten ende proffiten commen zoude dan te scaden, hebben vriendelike gheconsenteert ende elc zonderlinghe, der kerke vanden Dunen de vorseide scipuaerd te laten makene duer haerleder land in zulker manieren ende con- ditien also hier voren verclaerst, also verre als zyt consenteren moeghen zonder begryp omme dies datter also wel leen ende prosstye land ligghet als erve ende al diere ghelike, so hebbent de vougheden van wesen diere gheland zyn, metgaders den here ende der wet gheconchenteert over de vorseide wesen omme dies dat heuilieden wel dinct dat het der wesen proffyt es. In kennessen der wareden so hebben wy Bailliu, Scepenen ende Coriers vorseid onse zegle ghehanghen an deise lettren, ghemaect int jaer ons Heren dusentich drie hondert zeuene ende zeuentich, up den dartichsten dach van Maerte.

Wy Lodewyc, graue van Vlaendren, hertoghe van Brabant, graue van Neuers, van Rethel ende heer van Machline, doen te wetene allen lieden, dat als ons bleken es bi den lettren gheseghelt metten seighelen ons Baillius van Veurne, ende van enighen onsen Scepenen ende coriers van Veurnambocht, dat onse gheminde de religieuse de abd onse Raed ende tcouvent van der abdie van den Dunen, sullen doen verdelven tharen costen eencn water- ghanc die men heet Slabedekin ende de Zeepe, die loopt te Ghiselin Loyrs waert ende voort tote den Doelkinne daer toe de ghone diere up gheland ziin eude deur wies land zy delven zullen, haer consent ghedaen hebben als verre als in hemleden es, in der manieren, up de condicie, ende alsoot claerliker bliken mach bi den vorseide lettren, deur de welke onse presente lettren ghesteken siin. Ende de vorseide religieuse ons ghesuppliert hebben, dat wij als heere ende prince te desen saken onse consent doen zouden willen, want groot- like tproffyt van onsen ghemeenen lieden «leromtrent gheland wesen zal. Wij gheinformert dat bi den vorseide ghedelve onse vorseide lieden proflit ende voordeel commen zal in vele

79

626

manieren, hebben ghedaen ende doeu als heere ende prinche over ons, onse hoir ende naercommers graven van Vlaenderen, onse consent ten ghedelve vorseid ende ten zaken in de vorseide lettren verclaerst in dese manieren cnde condicien dat de persone, ende hare naercommers die daer gheland siin ende jeghen wien de religieuse vorseid tland coopen zullen of ghecocht hebben, om tvorseid ghedelf te makene, zullen bliven ghelast vulcomme- like ende zonder ofslaen, van zulken renten als tland ghelast es, dat in tvorseid ghedelf sal vallcn ende die betalen up haer andre land dat zy houden derjeghen ligghende daerof dat tland ghenomen es of vvcsen zal ten vorseide ghedelve, sonder enich wedersegghen. Be- houden ooc ons, onse hoire et naercommers graven van Ylaendren, de justichie ende alle rechte, die ons toebehooren, ende die wy sculdich ziin te hebbene in tgedelf of waterghanc vorseid ende behouden elx anders rechte; ombiedeu ende beuelen onsen Bailiiu van Yeurne, iof siinen stedehoudende, diet uu es of wcsen zal, dat hi ten vorseide ghedelve of watergangho, naer de vorme van den lettren vorseid, allc ghereetscepe doe ende doe doen, wanneer ende als dickent als noot zal wesen. Ende hebben in kenncssen hier of teere eewelikcr ghedinkenessen dese lettren ghedaen seghelen met onsen seighele uithan- ghende. Gheghevcn te Ghend, den andren dach van Weiidemaent, int jaer ons Heeren M. drie hondert achte ende zeventich. t

Bi miin here, daer de proofst van Brugghe, M* Willem van Staule, Heinric Luppin ende vele andre waren voorhoghen.

L. Wach.