Florentius, comes Hollandie et Balduinus de Benthem comes, procurator et ballivus Hol- landie et Zelandie, dilectis et fidelibus suis, Thankardo et Wlfardo de Ward, et omnibus ad jus nostrum pertinentibus ad quos littere iste pervenerint, salutem. Sciatis quod eccle- siam de Dunis. et res et possessiones ejus, et omnia ad ipsam pertineutia, sub nostra defensione et protectione suscepimus, ita ut dampna et injurias fratribus dicte ecclesie illatas et inferendas personis nostris et rebus inferri reputemus, unde mandamus et districte pre- cipimus quatenus Walterum Belard, fratres et complices ejus et omnes alios, qui dictis fratribus minantur, ut audivimus, et dampna et molestiam eis inferre conantur, tales habeatis, ut ipsos quos specialiter diligimus, de cetero vexare et dampna ipsis, vel rebus eorum, facere non presumat. Insuper uavibus eorum et aliis rebus ad ipsos pertinentibus, ubicunque per terram, aut per aquam transitum habuerint, tam ab ipsis quam ab aliis malignis hominibus talem pacem teneri faciatis, unde ipsi se laudent, et pro defectu vestro alia vice ad nos redire non compellantur. Quod si dicti W. Belard, vel ejus complices, vel etiam aliqua alia dampna, vel molestiam navibus, vel rebus dictorum fratrum aliqua occasione presump- serint irrogare, dampna eis restitui, et illatas eis injurias, sine dilatione emendari faciatis, et hoc tam per vos, quam per homines vestros, quos ad hoc vobiscum ire precipimus, quociens fuerint requisiti. Scituri pro certo quod de omni dampno quod pro hac causa incurere potcritis, assecurabimus vos et omnes alios, et quitabimus contra omnes.

417