lordre de Citeaux.

Nos Walterus divina permissione abbas sancti Bartholomei de Echout.... Prior fratrum predicatorum et Nicholaus Decanus sancti Donatiani in Brugis, notum facimus universis quod nos quasdam litteras Domini Clementis pape quarti, non cancellatas, non rasas, non abolitas nec in aliaqua sui parte viciatas aut corruptas, sed sanas omnino et integras ac ipsius domini pape vera bulla cum filo canabis bullatas vidimus, tenuimus, palpavimus et cum omni diligentia legendo et conferendo presens transcriptum ad ipsas originales litteras easdem subsequentes formas de verbo ad verbum invenimus expressius continere. Clemens episcopus, servus servorum Dei dilecto filio ... abbati monasterii sancti Auberti Cameracensis, salutem et apostolicam benedictionem. Et si quibuslibet personis ecclesiasticis presertim sub religionis habitu divino militantibus apostolicum debeat adesse presidium, professores tamen cisterciensis ordinis utriusque sexus ne pravorum hominum molestiis agitentur eo libentius protectionis nostre munimine confovemus quo prefatum ordinem in ecclesia Dei conspicuum dilectione prosequimur ampliori ac illorum injurie gravius nos contingat. Cum itaque sicut ad nostrum pervenit auditum dilecti filii .. abbas cistercu ejusque coabbates, et fratres ac dilecte in Christo filie, abbatisse et sorores eorumque conventus ipsius cisterciensis ordinis a non- nullis qui nomen Domini in vacuum recipere non formidant, in personis et bonis suis multipliciter molestentur. Nos volentes ipsorum abbatum, fratrum, abbatissarum et sororum ac conventuum providere quieti et perversorum conatibus obviare, discretione tua per apos- tolica scripta mandamus quatinus per te vel alium, seu alios eisdem abbatibus, fratribus, abbatissis, sororibus et conventibus efficacis presidio defensionis assistens non permittas ipsos in personis et bonis eorum contra indulta privilegiorum sedis apostolice, ab aliquibus indebite molestari. Molestatores hujusmodi quicumque et cujuscumque religionis, condi- tionis, aut status existant etiam si pontificali prefulgeant dignitate, auctoritate nostra, appellatione postposita, compescendo, non obstantibus felicis recordationis Bonifacii Pape VIII, predecessoris nostri, qua cavetur ne cum actor et reus fuerunt eisdem civitatis vel dyocesis aliquis eorum extra ipsas nisi in certis casibus ad judicium evocetur, et alia, ne conservatores a sede deputati predicta extra civitates et dyocesis in quibus deputati fuerint contra quos- cumque procedere, seu alii, vel aliis vices suas committere, aut aliquos ultra unam dietam a fine dyocesis eorumdem trahere presumant, quodque potestas et juridictio conservatorum quoad non cepta negocia per obitum concedentur exspiret, quam de duabus dictis in concilio generali et aliis quibuscumque constitutiombus ab eodem Bonifacio vel aliis predecessoribus nostris, Romanis pontificibus, super hoc in contrarium editis, dummodo ultra tertiam vel

U2

quartam dielam aliquis extra suam diocesem auctoritate presentium non trahetur, seu si aliquibus communiter vel divisim a predicta sit sede indultum quod interdici, suspendi vel excommunicari, seu extra vel ultra certa loca ad judicium evocari non possint per litteras apos- tolicas non facientes plenam et expressam de indulto hujusmodi eorumque personis, locis vel ordinibus mentionem, seu qualibet alia dicta sedis indulgentia generali vel speciali per quam tue jurisdictionis explicatio in hac parte valeat quomodolibet impediri, attentius provisurus ne de hiis supra quibus lis est forte jam mota, seu que cause cognitionem exigunt et que indulta hujusmodi non contingerit per te vel alium, seu alios te aliquotenus intromittas. Nos enim si secus presumpseris tam presentes litteras quam etiam processum quod per te vel ipsos illarum auctoritate haberi contigitur, omnino carere viribus ac nullius fore decernimus firmitatis. Hujusmodi ergo mandatum nostrum sic prudenter et fideliter exequeris ut ejus fines quomodolibet non excedas. Geterum volumus et apostolica auctoritate decernimus quod a data presentium sit tam in premissis omnibus et eoruni singulis perpetuata potestas et jurisdictio attributa ut in eo vigore illa qua firmitate possis auctoritate predicta in predictis omnibus et pro predictis procedere ac si tua jurisdictio in hiis omnibus et singulis per citalionem, monitionem, vel modum alium perpetuata legitimum extitisset. Datum Avinioni, II nonas Septembris, pontificatus nostri anno quarto. Nos vero predictus— abbas .... prior et decanus predicti in testimonium inspectionis nostre presenti transcripto unde cum ad originales litteras de verbo ad verbum, collationem feeimus et cum ipsis invenimus originalibus litteris plenius concordare, sigilla nostra duximus apponenda. Datum anno Domini millesimo trecentesimo undecimo, feria sexta ante Nativitatem beati Johannis Baptiste.