Leo episcopus servus servorum Dei, dilecto filio abbati monasterii Cistertii, Cabilonensis

diocesis, salutem et apostolicam benedictionem. Hodie monasterio Beate Marie de Dunis

Cistertiensis ordinis, morinensis diocesis, tunc per obitum quondam Petri olim ipsius mona-

sterii abbatis, extra romanam curiam dcfuncti, abbatis regimine destituto, de persona dilecti

filii Roberti, abbatis ejusdem monasterii, nobis et fratribus nostris ob suorum exigentiam

meritorum , accepta de fratrum eorumdem consilio, apostolica auctoritate providimus, ipsumque

illi prefecimus in abbatem, curam, regimen et administrationem ipsius monasterii sibi in

spiritualibus et temporalibus plenarie committendo prout in nostris inde confectis litteris

plenius continetur. Cum igitur ut idem Robertus abbas in commissa sibi cura dicti

monasterii quod tibi ut patri abbati ex institutis regularibus ipsius ordinis, per sedem

apostolicam approbatis, subesse dinoscitur facilius proficere valeat, tuus favor sibi fore

noscatur plurimum oportunus, devotionem tuam rogamus attente per apostolica scripta tibi

mandantes quatinus eundem Robcrtum abbatem et prefatum monasterium sibi commissum,

habens pro nostra et dicte sedis reverentia propentius commendatos, in ampliandis et

conservandis juribus suis sic eos tui favoris presidio prosequaris quod idem Robertus abbas

in commisso sibi prcfati monasterii regimine possit Deo propitio prosperari, tuque divinam

misericordiam ac nostram et ejusdem sedis benedictionem et gratiam exinde uberius consequi

merearis. Datum Rome apud sanctum Petrum, anno Incarnationis Dominice millesimo quin-

gentesimo decimo nono. Decimo kal. Januarii, pontificatus nostri anno septimo.

A. De Castillo.

m