Wie Pieter Coudevelt, Jan Slabbaert, Clais vander Hoghenlanae, Jan Tant, Andries Aket, Jan f Jans Scalkins ende Jan f* Boudens f* Riquards, redenaers up tsProos, doen te wetene allen den guencn die dese letteren sullen sien of horen lesen, dat wie al daer waren voor oghen in ghebanre vierscaerne in ons heren tsProos huus van sinte Donaes in Brugghe, daer de her Boudene de Yat, muenec vander abdien vander Doest, als de guene die machtich was aldaer te wetten, te sprekene ende te hantwordene over den abt ende over al tghemene covente vander abdien vander Doest, ende dede daer toghen bi sinen wetteliken taelman dat daer een ghedinghe hanghende ware in wetten tuscben den abt ende covente vander abdien vander Doest vorseid of een side, ende Janne van Coukelare of ander side, als van achte coebuken, de twedeel van enen coebuke, vier waerven twintich hoenre, twe hondert en viertich eyeren, die men jaerlix scondich wesen soude, ende tachter staende vant in rechten reghelen, in goeder letteren inde brieven vander laerdiere upten her Adame van Calvekete, alsoot int ghedinghe daer te voren wel ghetoghet ende gheseit was, vanden welken ghe- dinghe redenaers ghemeenlike beroupen waren tharen wetteliken hoofde, in myns heren

752

hoofdredeninghe van Vlaenderen die eerst comen soude, ende die ter tyt van doe leden was ende mids dat de hooftredeninghe leden was ende ghehouden, so begherde hi dat rede- naers te gadere gaen souden ende tberoup up doen ende dat si hcm tgoede vonnesse van hooftredenaers gheven soude ende openbare, of also vele daer toe doen als si scoudich waren te doene mettcn rechte, ende aldaer so was voor oghen Jan van Coukelare, als paertie of ander side ende Bobracht Ysereel, als ontfangher van den voorseiden brieven van den laerdiere, die al dat selve begherden dat de her Boudene de Vat daer hadde gheeescht ende ghedaen toghen over den abt ende covent van der abdien van der Doest, ende naer der begherten van beden partien voorseit, so maende Gillis van Hertsberghe, balliu vanden Proosschen, in dien tiden redenaers ghemenlike , dat si te gadere gaen souden, ende tbe- roup up doen, ende dat si den voorseiden paertien gheven souden tgoede vonnesse dat hooftredenaers der of gheordineert ende ghewyst hadden, ende redenaers te gadere ghesyn ende tberoup ondaen, so wyseden si ende seiden aldus hooftredenaers dinct recht van desen beroupe naer talen ende naer weder talen, dat Jan van Coukelare niet so wette- like an ghesproken heift den her Boudin den Vat, inde namc vanden abt ende covente vander abdien vander Doost, dat hi den voorseiden Janne als nu sculdich es te verantwor- dene ende dat de selve Jan sal bliven hooftman, ende gheldende de voorseide rente, toter tyt dat hi bewyst sal hebben, naer costuraen ende usagen vander hooftredeninghe, ligghende lant of levende namen diet met meer rechte sculdich syn te gheldene. In kennessen der waerheden hebben wie redenaers van tsProos voorseid dese letteren gheseghelt met onsen seghelen ute hanghende. Dit was ghedaen upten viere ende twintichsten dach van hoymaent, int jaer ons Heren M" CCC° sevene ende tsestich.