Roeger van Ghistele, ruddre, Diederic die Vos, Olivier van der Haghe, Gherolf van Cal- vekete, Pieter ser Hughes soene, Willem van Cleihem, Henric die Grote, Thomaes die Hont, Jhan Hont, Langhe Jhan van Cadsant, Gherard die Wevel ende Gillis Wouters

635

soene, wie scepcnen van den Yrihen, doen te wetene alle deu ghoenen die dese lettren sullen zien of horen Iesen, dat van ere niewer scipleed, die beghinnet in die prochie ende in tambocht van Dudzele, tere stede die men heet Stapelvorde, streckende van dane ende in vallende in Lissewegher Hee, bi Jhans ser Reinghers soens zuderster teelrie, een content ende twist was tuschen die meentucht van al dat utwatert te Reinghervliete of een zide ende de meentucht van al dat utwatert te Heiensluus of ander zide, omme den cost van delvene van huelebrugghen ende van zidelinghen te doene vorwardan euwelicke ter vorseider Lissewegher Hee. Ende omme dit vorseide content ende twist soe waren bede dese voor- seide meentuchten van beden desen vorseiden wateiinghen van Reinghersvliete ende van Heiensluus, wettelicke beclaghet ende ghedaghet up eenen wettelicken dinghedach in die vrie virscarne tote Brugghe, ende daer waren bede dese voorseide meentuchte wettelicke vort gheheescht ende droeghen bede dese vorseide meentuchte overeen, van desen vorseiden contente ende twiste te blivene in minen here Zeghere van Belle ende in broeder Lam- brechte, den meester van den hove van der Does, ende blevents in hem lieden al ghehelicke. Die welke vorseide mynhere Zeghere van Belle ende broeder Lambrecht, meester van den hove van der Does, dit vorseide content ende descn twist, te hem ward naemen ende droeghen overeen ende wiseden ende zeiden wel bedocht ende wel beraden in die vrie virscarne tote Brugglie vor ons vorseide scepenen van den Vrihcn, dat die voorseide meen- tucht van al dat utwatert te Reinghersvliete rechte meenters souden wesen vordwardau euwelicke van allen coste, van delvene, van huelebrugghen ende van zidelinghen te doene metter vorseider meenjucht van Heiensluus, van der vorseider stede daer dese vorseide niewe scipleet vallet in der vorseider Lissewegher Hee toter moneke Spoye van der Does, die leghet bachten Frerinnen bi Brugghe ende dese vorseide meentucht van Reinghersvliete van allen coste van der stede daer dese vorseide niewe scipleed in vallet in der, vorseider Lissewegher Hee nordward toten damme die leghet benoerden Boudekins Blonden, quite te wesene euwelicke vordwardan. Vort ter zidelinghe die leghet in tambocht van; Dudzele streckende neifens der vorseider Lissewegher Hee, heeft hare ghebonden ende es sculdich die vorseide meentucht van al dat utwatert te Reinghersvliete rechte meenters te wesene vordwardan euwelicke metter abdyen van der Does, van allen coste. van alre scaede, ende van allen andren dinghen diere toebehoren of hier naemaels in eniggher maniere behoren moeghen. Ende daer omme dat wie vorseide scepenen stonden over dese vorseide sticken die hier boven siin ghescreven ende sie wel ende te wetten ghewiset waren vor ons ende ghedaen ende dat sie vast bliven ende ghestade euwelicke, hebben wie dese lettren gheze- ghelt in euwelicker ghedinckenessen met onsen zeghelen uthanghende. Dit was ghewiset cnde ghedaen int jaer ons Heren als men screef sine Incarnatie tuelef hondert tachtig ende viere, in sinte Marie Magdalenen dach.

6.->6