CXLI. — N» 4-23. Priviliges. Universis presentes litteras inspecturis, Johannes Dei gratia episcopus Morinensis, salutem in Domino. Notum facimus quod cum inter nos et nostros officiarios, ex una ac religiosos dominos de Dunis, de Glaromarisco et de Longovillari, mouasteriorum abbates et conventus, ordinis cisterciensis, nostre diocesis, partibus, ex altera nonnule difficultates et contentiones super eo quod dictorum monasteriorum religiosi, per nos et dictos nostros officiarios recu- sabantur, sine examine super idoneitate, contra apostolica indulta, religiosis dicti ordinis ut asserebant concessa, ad minores et sacros ordines admitti et promoveri, suborte fuissent et majores verisimiliter suboriri suspicarentur si rigori inviteremur, hinc est quod nos volentes contentionum hujusmodi et litium obviare anfractibus dictisque religiosis nostris diocesanis, gratos nos exhibere et benivolos cum eisdem pro nobis et successoribus nostris episcopis mori- nensibus sic convenimus et concordavimus, ipsisque annuimus et concedimus per presentes, quod amodo religiosi monasteriorum prenominatorum, in quibus non claruerit notorium tamen aut enorme corporis vitium, ad prefatos ordines per patentes abbatum suorum litteras nobis et dictis successoribus presentandi, dummodo promovendi religiosi hujusmodi in eisdem litteris, prenominatorum per illum ex eisdem abbatibus ad quem spectat etatis sufficientis et litte- rature, ac alias habiles et idonei quantum humana nosce sinit fragilitas, astruantur suasque ad hoc onerando et nostram ac successorum predictorum conscientias exonerando, ad eosdem ordines debitos et requisitos admittantur sine alio examine et promoveantur jure tamen dioce- sano, nobis et apostolicis indultis predictis, prefatis monastcriis in omnibus aliis salvis semper et illesis. In cujus rei testimonium presentibus litteris nostrum apponi fecimus sigillum. Datum Bononie in domo habitationis nostre, anno a nativitate Domini millesimo quadringentesimo tricesimo septimo, die vicesima secunda mensis Octobris.