Alexander episcopus servus servorum Dei, dilectis filiis .. abbati Cistercii ejusque coab- batibus et conventibus universis cisterciensis ordinis salutem et apostolicam benedlctionem.

293

Sacre vestre religionis inducti meritis votis vestris libcnter annuimus, caque vobis conce- dimus per que materia submota gravaminis status vestri tranquillitas procurent sane nobis exponere curavistis, quod ex speciali privilegio sedis apostolice optinetis, ut nulli omnino hominum liceat in vos vel in monasteria seu fratrcs inibi constitutos, contra id quod ab origine ordinis noscitur institutum, excotnmunicationis, suspensionis seu interdicti scntentias promulgare. Felicis quoque memorie Honorius papa predecessor noster quieti vestre paterna volens diligentia providere adjiciendo de gratia potiori suis litteris nobis indulsit, ut non solum aliis, sed nec etiam dicte sedis legatis predictas vel etiam depositionis sententias in vos vel predicta monasteria sine sedis ejusdem speciali mandato licitum sit proferre, quas si extunc proferri contingeret, decrevit irritas et inanes. Insuper omnino prohibuit ne predicti legati procurationes pecuniarias a vobis exigere vel extorquere presumant, sed cum ad domos vestri ordinis accesserint sine carnium esu cibis regularibus sint contenti. Porro quia nuper nos omnia indulta quibuscunque personis sive ecclesiasticis prelatis et aliis regularibus et non regularibus sive secularibus principibus et aliis minoribus et quorun- cunque locorum capitulis, collegiis, conventibus et communibus, seu communitatibus a felicis recordationis Innocentio papa predecessore nostro vel nobis concessa qnod videlicet per delegatos conservatores, aut executores a sede apostolica deputatos seu per delegatos ab ipsis, vel per legatos sedis ejusdem aut ordinarios seu delegatos eorum interdici, suspendi vel excommu- nicari, quodque ipsis ingressus ecclesie prohiberi et quod terre sue interdicto ecclesiastico supponi non valeant totaliter auctoritate apostolica duximus revocanda ita quod deinceps nullum robur, nullumque vigorem obtineant ncc premissi per ea juvare se valeant ulterius vel tueri, nisi principes ipsi sint reges, vel uxores, aut filii, seu fratres regum aut alii magnates, sublimesque viri, qui antiquitus a predicta sede similem gratiam habuerunt, vos, metuentes vobis per hoc prejudicium, generari apostolice super hoc provisionis remedium implorastis. Nos itaque ad petitionem dilecti filii nostri J. ecclesie Sancti Laurentii in Lucinum presbytri cardinalis vestris precibus inclinati quod per revocationem hujusmodi nullum liber- tatibus et immunitatibus vobis a prefata sede concessis prejudicium in posterum geretur auctoritate vobis presentium indulgemus. Nulli ergo omnino hominum etc.

294