Willem grave van Heynnege, van Hollant, van Zeelant ende here van Vrieslant, maken cont allen lieden, dat Vfii in alemoessen voor ons liefs heren ende vader ziele ende omme alle kalainge ave te doene die die abdt ende convent vanden Dunen hcbben mochten tote den daghe toe van huden ane den waerde tusschen Honte, Hinkelinghe, Scoudee ende Zekelinghe in heerlicheden, in renten, in erven, in ambochten ende in tienden ghediict, behouden den abdte ende den convente vorseid die oude tiende die zii in den lande vorseid ghehouden hebben ende noch houden rorende vanden capitele van Oudmonster Tutrecht die willen wii dat zii behouden rusteliike ende bezitten ewelike tallen daghen, ende alle die ghone diese tieghens hemlieden met rechte vercreghen hebben, ghegheven hebben ende gheven vor ons ende voor onse nacomelinghen den abdte, ende den convente vornomd, tote ewelike daghen van ons ende van onse nacomelinghen, graven van Zelant te houdene hondert pont zwarte tornoys, eweliker renten tsiaers, enen ouden groten conincx tornoys van Vrankerike van zestien penninghen tornoys gherekent of ander payement in die waerde, die wii den abdte ende den convente vorseid bewiist hebben ende bewiisen alle jare in te nemen ende te ontfane up elken termyn van Bamesse ane onsen rentemeester van Bewesterscelt in Zelant die nu ter tiid es of hier namaels wezen zal, ter tiid toe dat wii den abt ende den convente vorseid, die vorseide hondert pond zwarte tornoys eweliker renten siaers in anderen zekeren steden bewiist zullen hebben dair hemluden met reden ghenoughen zal ende hier omme zo hebben die abt ende convente voorscreven quite ghescouden ende huteghegaen al huers rechts dat zii hadden of hebben mochten ane den goede voorscreven tusschen Honte, Hinkelinghe, Scoudee ende Zekelinghe den palen vorseid in wat manieren dat het zy ende in allen goeden dat zii daer heysschen mochten tote onser ende onser naco- melinghen hehouf graven van Zelant, ute ghenomen die oude tiende die zii rusteliike

238

behouden zullen ewelike ende besitten, in der manieren als vorscreven is sonder arghenlist, ende ontbieden onsen rentemeester vorseid ende bevelen, dat hii den abdte ende den con- vente vorseid of huereu ghewerden bode die vorseide hondert pond zwarte tornoys alle jare utereke ende betale up den termiin vorscreven zonder ander ghebot dairof van ons of van onse nacomelinghe te hebbene, ende dat hii dair of neme van elken termine huer brieve van quitancien voor ons mede te rekene. In orconde desen brieve bezeghelt met onzen zeighele ghegheven tote Mechelen des vriindaghes voor sinte Valentins dach, in tjaer ons Heren dusent drie hondert achte ende dartich.

Per dominum Comitem, presentibus domino

Willelmo de Dunenvorde et magistris Hen- Flobentius de Haemstede.

rico de Geldenia et Nicholao Stuuc,

Bclet.