Kenlic si allen den ghonen die dese lettcren zullen zien ende horen lesen, dat upt debaet cnde ghescil.dat langhe tyt ghewecst heeft tusschen dien van Veurnambocht of een zide, ende dien van der Niewerport of ander ziden, als van den drien brugghen ligghende over de nicwe ryole, wie dat se zoude maken eude ghehaefdech ewelike houden , van den welken debate ende ghescille velc dachvaerden hebbcn ghezyn, omme in goeden paise ende acorde te bringhene, voor minen here van Vlaenderen, sinen raed ende in andcren steden te groten costen van beeden paertien, omme twelke eene vriendelike dachvaerd was gheacordeert in de abdie van den Dunen, int jaer ons Heren dusentich driehondert neghene ende viertich, up den vyften dach van Laumaend, omme tvorseide debaet ende ghescil te acorderne ende in goeden paise te bringhene, ter welker dachvaert vorseid waren over die van Veurnambocht, edele ende eersame liede Jehan Vanekin, hoghe baliu in dien tiden van Veuruambocht, myn- her Henric Spoerkin, Henric van dcn Hove als watergrave, Davyd Spoerkin, Kerstiaen Bladclin, Kerstiacn Eglin, Jacob van Laethem ende Wouter Jans zone, als scepenen ende coriers van Veurnambocht vorseid, Fransois de Zwarte eude andere vele goeder cnapen, die ter vorseide wateringhc van Veurnambocht toe behoren; ende over die van der Niewerpoord, so waren rrachtighe ende werde liede Pieter Colin ende Jacob Hughe, alse Borghmeesters, Jehan Caniin ende Willem vanden Brouke, alse scepenen ende rade vander stede vorscid- In de welke dachvaerd beede paertien groot treiteit ende vele anderlinghen hadden onder- linghe ende mids den goeden middelers diere tusschen spraken, so was een finael ende ghestade acoord ghemaect tusschen beeder partien voorseid, in der maniere dat hier naer

75o

volght. Dats te wetene dat die van Veurnambocht zullen houden van allen costen de voor- lioofde van den drien brugghen ligghende over de niewe ryole, ende die vander Niewer- pord, decsele, stile ende al dat tusschen den voorhoofden vorseid behoren sal teeweliken tiden, ende voort so es gheacordert dat die brugghe, die leght over den waterganc daer de houde sluus in leghet, zullen die van Veurnambocht cnde die van der Niewerpord liouden half ende half van allen costen eewelike tallen daghen. Item so es gheacordert dat die van der Niewerpord te haren wille te nieute moghen doen alle andere brugghen ende die ver- dammen, ligghende binnen der vorseide stede van der Niewerpord, behouden altoos de ervachtichede van dien van Veurnambocht van allen houden waterghanghen. ;Ende omme dit acoord te houdene goed, vast cnde ghestade in der maniere dat vorseid es, so hebben wie watergraven, scepen ende coriers van Veurnambocht vorseid, bi consente van prelaten en vander ghemeenre meentucht ter wateringhen toe behorende, ghebedeu ende verzocht an rcligieuscn lieden ende werden heren minen here den .. abt van den Duncn, minen here den abt van sinte Niclaus van Veurne ende crachtighen Iiedeu en werden borghmeesters, scepenen ende rade van der stede van Veurne dat si dese presente lettren ende acoord zeghelen willen met haren zeghelen huuthanghende, met dien van der Niewerpord over ons omme dat wie ghenen ghemeenen zeghel en hebben, ute welker bede ende verzouke van den goeden lieden van Veurnambocht vorseid, hebben wie broeder Lambrecht, abt van den Dunen ende wie Diederic, abt van sinte Niclaus in Veurne.dese lettre ende acoord ghezeghelt over hem lieden met onsen zeghelen huuthanghende. Ende wie borghmeesters, scepenen ende raed van der stede van Veurne vorseid, uten verzoeke van watergraven, scepenen ende coriers ende commune vander vorseide wateringhen van Veurnambocht, hebben wie onsen zeghel van cansen iehanghen an dese lettren huuthanghende, met den zeghelen der vorseide prelaten over die van Veurnambocht vorseid, metgaders dien van der Niewerpord ende wie borgh- meesters, scepenen ende rade van der Niewerpord vorseid in -tekene dat alle de vorseide dinghen syn ghedaen bi ons ende bi onsen otroys, over ons ende over de stede van der Niewerpord, ghedurende tallen daghen wie onsen zeghel van causen hier an jehanghen metgaders den zeghelen vorseid, in kennessen der waerheden. Dit was ghescreven int jaer ons Heren als men screef dusentich drie hondert neghe.ne ende viertich, up den zestienden dach van Sporkle.

DCLlll. - N» 1847.

Verkooping van 1 gemet, 30 roeden en 4 voeten land, gelegen in Nieuwe lant, te Wulpe, aen 't dooster van Ter Doest, door het kapittel van 0. L. V. te Kortryk.

Allen den ghenen die dese prcsente letteren zullen sien of hoeren lesen, deken ende cupitle van Onse Vrauwen kerk te Curtrike, saluut in onsen Heer. Weten moeten alle die

756

nu zyn ende hier naer wesen zullen, dat wi ten coope ende voerworde die meester Jhan van Wielsbeke, ons gheselle ende here Symoen Beys, in dese tyt onse ontfangher ende capellaen van onse Vrauwen kerke vorseid, ghemaect ende vercocht hebben in de name van ons ende van onse kerke voerseid, den rentier van der Groede, ten cloester bouf van der Doest, een ghemet, dertech roeden ende viere voete lants, ligghende in Nieuwe lant in de Wulpe, omme eene zeker somme van ghelde daer of dat wi ons houden wel betaelt ende vergolden, doen ons consent ende willekeuren ende confirmeren alle de dinghen voerseid over ons ende onse uacommers sonder nemmer meer der jeghen te gane, no te doen gane bi ons, no bi andren. Bi der orconscepen van desen presenten lettren ghezeghelt met onseu kerken zeghele van den zaken utanghende. Ghemaect ende ghegheven int jaer van gratien als men screef duzentich drie hondert neghene ende viertech, den viertienden dach in maerte.