Wilbrandus Dei gratia Trajectensis episcopus abbatibus, prioribus, decanis, presbyteris ceterisque ecclesiarum prelatis in Trajectensi dyocesi constitutis, salutem in Domino. Uni- versitatem vestram nosse volumus, quod fratres et familiares ecclesie sancte Marie de Dunis, cum omnibus possessionibus et rebus suis sub domini pape et nostra tutela ac protectione consistunt, unde ejusdem auctoritate et nostra mandamus vobis et districte precipimus quatinus quotiens fueritis requisiti, omnes illos qui in aliquem predictorum vel familiarium suorum, manus violentas injecerint, aut res vel domos eorum invaserint, vel ea que predictis fratribus vel familiaribus ez testamento decedentium relinquuntur, seu debita vel elemosinas eorum detinere presumpserint vel decimas laborum seu nutrimentorum suorum, contra privilegia sedis apostolice eisdem indulta, extorserint, aut res ipsorum a fugitivis suis vel ab aliis quibuscumque ablata retinuerint, tam ipsorum principales coadjutores quameos, com- petenti admonitione premissa, absque contradictione vel protectione. publice, candelis accensis, excommunicetis et in terris sive in presentia ipsorum divina prohibeatis officia celebrari. Villas in quibus predictorum fratrum vcl familiarium bona depredata, vel furto sublata detenta fuerint, aut predones vel fures et uxores et familie eorum permanserint, sive fugitivi monachi vel conversi contra voluntatem abbatis extiterint, nisi habitatores earundem villarum admoniti eos a se removerint, quamdiu ibi fuerint interdicti sententie supponatis, ad hec volumus et firmiter precipimus ut omnes de quibus predicti fratres vel familiares

189

conquesti fuerint ad diem quem vobis nominaverint peremptorie citetis ad presentiam nostram super obiciendis responsuros. Provideatis igitur attentius ut in his omnibus exequendis, eam sollicitudinem et diligentiam adhibeatis, ne pro negligentia vel defectu culpam a vobis exigere debeamus et penam. Datum apud Selhorst anno Domini M\ CC*. XXIX", idibus Septembris. Ego G. decanus in Middelburgh testificor omnibus quod litteras Domini episcopi Trajectcnsis sanas et sigillatas inspeximus prescriptam formam continentes, et eas vobis presbitris decanutus nostri volumus observandas.