XC. — N« 323 r. Lettres de protection pour le monasUre des Dunes. W. comes Hollaudie, omnibus scultetis et justiciariis sive ballivis per totam terram suam constitutis, salutem. Mandamus vobis universis et singulis quatinus quotiens aliquis in nostro dominio constitutus, aliquid sibi credit competere contra fratres ecclesie beate Marie de Dunis et ab eis quicquam conatur repetere, talem habeatis eundem ut contentus sit lege et justicia loci sive patrie in qua res detinetur de qua querimonia ventilatur. Quod si noluerit et contra hanc formam veniens dictos fratres molestaverit, opponatis vos talibus fideliter et ipsos viriliter compescatis. Si autem aliter fecerint ct dictos fratres molestaverint contra hanc formam, nullatenus sitis eis consilio vel auxilio sed ita fideliter opponatis vos eis ut ab hujusmodi injuria et vexatione dictorum fratrum desistant, scientes pro certo quod cum talis injuria ad notitiam nostram venerit, non poterimus eam preterire inultam , nec dictis fratribus in sua justitia aliquatenus deesse. Datum anno Domini M° CC° quadragesimo quarto, sabbato infra octavam apostolorum Petri et Pauli.