CXXII. — N° 388. Littere defensionis a domino Guydone filio comitis Flandrie. Wie Gui ons heren sgraven soene van Vlaendren ombieden al ons heren heden soe wie dat sie zien, dat sie niet gheloeven van der kerken ende den convente van der Does anders danne al goet ende doght want zie sien ons heren goede ghetrowe vriende, en verbieden dat niemene onrust, uploep iof anders doe danne wel der kerken, den convente vorseit, iof haren steden, ende dad ymone, dien souden wie houden ons viant, ende dit cond ende ghebied al daers te doene word. Ghegheven int jaer ons Heren dussentich drie hondert ende twe tsondaghes in grote vastenavende.