In nomine Patris et Filii et Spiritus sancti, amen. Inter varias temporalium vicissitu- dines quibus pro rerum administratione jugiter implicamur, ea sola nobis in tuto credimus esse reposita, quod perpetuis usibus nostris pro futura in celestes thesauros, per manus

355

pauperum reportantur. Hac igitur habita consideratione, ego Philippus, Dei gratia Flandrie et Viromandie comes, notum fieri volo tam presentibus quam futuris, quod terram censualem trecentarum circiter viginti quatuor mensurarum in territorio Furnensi, versus Ysaram jacentem, quam fratres ecclesie sancte Marie de Dunis hactenus sub annuo censu de me tenuerunt, pro salute anime mee meorumque antecessorum, liberam eisdem fratribus jure perpetuo concessi, et ipsum censum quinquaginta quatuor circiter marcas et arietes castratos LIII singulis annis imperpetuum absolute remisi. Matilde illustri regina, filia regis portuga- lensis, uxore mea, eandem donationem, quia ad dotalilium suum spectabat, pro anima sua approbante, ad hec etiam venerabilis prepositus brugensis et Flandrie cancellarius, Gerardus frater meus, ut hujus boni coadjutor et particeps haberetui1, quicquid ad jus sui spectare videbatur officii, scilicet superarata, relevationes et omnia consuetudinaria onera, que aliis terris noscuntur imposita, eidem ecclesie dono perpetuo libere concessit. Ut autem hec lar- gitio nostra posterorum successione nullatenus, vel temere permutare, vel revocari possit in irritum quod sollempniter fecimus, sigillorum nostrorum impressione et testium probabilium subscriptione confirmamus. Testes, Gerardus, prepositus brugensis et cancellarius Flandrie, Gerardus prepositus Insulanus, Johannes abbas sancti Bertiui, Everardus abbas de Claroma- risco, Gerardus abbas de Villari, Arnulphus prepositus Watensis, Robertus advocatus Betunensis, Willelmus de Staden templarius, Riquardus Blauoet, Gillebertus de Aria et alii multi. Actum anno ab Incarnatione Domini M° G°LXXX0XV1I0, indictione quinta.