1135-09-02, Toledo (España)
Alfonso VII y su mujer Berenguela donan al monasterio de Santa María de Oseira la heredad y monte de Oseira, donde se estaba construyendo el monasterio, con todos sus derechos y con el privilegio de exención jurisdiccional.
orig.Current repository: Archivo Histórico Nacional, Monasterio de Santa María de Oseira (San Cristovo de Cea Ourense España),
documento en sitio web del archivioCharter on the archive's website Material: Pergamino
Dimensions: 770x580MM
Condition: Bueno;
Graphics: u Catholicorum regum offitium esse dinoscitur sancta loca et eorum cultores diligere ac venerari, atque in hereditatibus et possesionibus ampliare et contra prauorum malitias manutenere et deffendere, vt dando terrena recipere mereamur eterna. Eapropter ego Adefonsus, gracia Dei Hispaniae imperator, una cum uxore mea dona Berengaria, grato animo, voluntate spontanea, nemine cogente, pro Dei amore, pro memoria parentumque meorum remissione, facio cartam donationis Domino Deo et ecclessiae Sanctae Mariae de Vrsaria donnoque Garsiae eiusdem loci electo in abbatem ceterisque monachis pressentibus et futuris qui ineodem loco monasterium construere atque religionem et regulam beati Benedicti obseruantes manere voluerint, de illam meam hereditatem et montem in quo nunc edificatur et construitur monasterium predictum xusta fluvium cui nomen est Ursaria, et iacet inter terminos de Castela et de Cambia et de Buubal et de Asma subtus monte Nauego et Penauico et montem Eigeuna et Pena Pelagii. Dono itaque vobis predictam hereditatem et montem illum que vocatur Ursaria cum omnibus suis terminis et pertinentiis, cum ingresibus et regresibus, cum montibus et vallibus, cum terris et aquis et pascuis, cum omnibus suis directuris quodcunque loco fuerint et potuerint inveniri et quodcumque ab hereditibus que in circuitu vestro sunt potueritis acquirere, ut autem donno Garcia electo ceterisque fratribus tam pressentibus quam futuris Deo in monasterio sanctae Mariae de Ursaria seruientes ipsum monasterium et locum cum suis hereditatibus et terminis tranquile possideat. Cauto illud et omnia quae ad ipsum pertinent, et pressenti scripti communio ut nullius homo in locum illum et hereditates eius intrare causam mali faciendi vel pignorandi presumat. Precipio ergo ut nulli omnino hominum liceat prefatum monasterium temere, perturbare aut collectam in eo facere seu tributum vel censum petere, aut eius posesiones auferre vel abblatas retinere, minuere, seu quibuslibet vexationibus fatigare, sed illibata omnia et integra conseruentur eorum pro quorum gubernatione concessa sunt. Hanc autem donationem quam donno Garciae electo aliisquoque fratribus in eodem monasterio existentibus succesoribusque eorum de ipso eodem monasterio facio, Deo authore conffirmo, et omni tempore firmam esse et stabilem concedo. Si quis autem in posterum hoc meum factum infregerit de quocunque genere sit, anathemate feriatur perenni et in inferno cum Iuda proditore semper damnetur nisi resipuerit, et pro temerario auso regiae potestati et ecclesiae predictae pectet mille marchas argenti et duplatum insuper restituat quidquid violenter abstulerit. Facta charta Toleto, anno IIIº quo isdem imperator coronam imperii primum in Legione suscepit, in anno primo quo prefatum monasterium construere ceperunt, era M C LXXIII et IIII nonas septembris. eodem imperatore Adefonso inperante in Toleto, Legione, Cecaraugusta, Naxara, Castella, Galecia. Ego Adefonsus imperator hanc cartam quam iusi fieri conffirmo et manu mea roboro et firmam omni tempore manere concedo. Ego Fernandus, comes Galiciae, qui precibus meis apud domnum imperatorem ut predictum montem et hereditatem predicte ecclessiae daret et cauto scripto que munire obtinuit confirmo. Didacus Monioz, maiordomus imperatoris, conf. Comes Ramirus Froilez conf. Veremudus Petri conf. Didacus Froilez, alferiz, conf. Menendus Faiscolus conf. Comes Rodericus Velez conf. Garsias Petri conf. Amasricus, tenens Toletum, conf. Fernandus Odarez conf. Comes Rodericus Petri Velosus conf. Fernandus Iohannis conf. Lope Lopez conf. Petrus Iohannis de Monteroso conf. Comes Petrus conf. Pelagius Curvus conf. Guterus Fernandez conf. Ego Reimundus, Toletanus archiepiscopus, conf. Comes Pontius conf. Munio Tacon conf. Rodericus Fernandez conf. Ego Didacus, Compostellane episcopus, conf. Ego Petrus Vazacus, qui prefactum locum iusu domini imperatoris cautaui, confirmo. Ego Berengarius, Salamanticensis episcopus, conf. Aluarus Roderici confirmo. Ego Guido, Lucensis episcopus, conf. Arias Calvus confirmo. Ego Martinus, Auriensis episcopus, conf. Gunzalus Fernandez conf. Geraldus scripsit iusu magistri Ugonis, concellarii imperatoris.
Persons- Alfonso VII (1105-1157, rey de Castilla)
Keywords- General:
- Pergamino
- Documentos reales
- Donaciones reales
- Privilegios e inmunidades eclesiásticos
){kind=link}
){kind=link}