Ego Hugo, Dei gratia dux Burgundiæ , notum fieri volo presentibus et futuris quod Ludovicus de Arsellis , veniens in capitulum Fonteneti ibi dedit Deo et ecclesiæ Fonteneti pro redemptione animæ suæ et antecessorum suorum totum censum quem ei debebant Fontenetenses apud Villenias sive in vineis seu in salicibus vel in quibuslibet terris, scilicet V solidos et X denarios et unum sextarium avenæ. Interfuerunt enim eo in eodem capitulo qui hoc audierunt et viderunt Petrus presbiter de Villeniis , Osbertus de Jocia , Rainaudus filius majoris Villeniarum , Fromaldus famulus predicti Ludovici . Ne quis igitur predictos fratres Fonteneti de hoc in posterum perturbare presumat, ego de cujus casamento ille census erat, hanc elemosinam laudavi et presentem cartam sigilli mei appensione munivi.