Ego Gauterius, Dei gratia Eduensis episcopus, universis notum facimus presentibus pariter et futuris quod domina Hylade Monte Sancti Johannis , filia domini Guidonis de Vilers , et Johannes ejusdem Hyle filius, dederunt et concesserunt in perpetuam elemosinam Deo et fratribus ecclesie sancte Marie Fonteneti quicquid habebant in duabus villis de Marmania et de Corbetum , scilicet totam gacheriam quam Gauterius frater predicte Hyle miserat Odoni militi de Esporuo in vadimonium, terras videlicet vineas et prata, capita etiam hominum apud Marmaniam cum tenementis suis et omnia alia ad eamdem gageriam pertinentia in duabus predictis villis. Hec omnia sicut dictum est dederunt et concesserunt Deo et fratribus Fonteneti prelibata Hyla et Johannes filius ejus pro salute animarum suarum, nichil omnino in supradictis villis, de Marmania scilicet et de Curbetum sibi retinentes. Hujus donationis testes sunt nobiscum Haymo archidiaconus Flaviniacensis , Leonardus presbiter de Marmania , Renerius de Chaudesaul , Hugo de Furno milites, Helyas filius Berengaudi, Teobaudus quondam prepositus de Monte Barro . Et ne quis dictam elemosinam perturbare possit, sigillum nostrum presenti pagine apponi precepimus. Anno verbi incarnati m° cc° vi° .