Ego Gauterius Dei gratia Eduensis episcopus, omnibus notum facio tam presentibus quam futuris quod dominus Renardus de Curcellis laudavit et concessit pro salute anime sue et antecessorum suorum ecclesie et fratribus Fonteneti totum chasamentum suum tam adquisitum quam adquirendum, quod Willermus Bechecho et fratres ejus milites de Marmania, Gislebertus scilicet, Hugo, Bernardus, et soror eorum Margarita tenebant ab eo. Videlicet a rivo de Jalen citra aquam de Braanen usque ad Montem Barrum et ultra eamdem aquam pratum de Cornelen . Concessit etiam eisdem fratribus Fonteneti calumpniam quam Willermus supradictus habebat adversus filios Girardi de Boneseio . Homines suos sive per elemosinam sive per emptionem sine violentia adquirendam. Habuit autem idem Renardus propter hoc de bonis ecclesie vii libras divionensis monete. Hoc totum laudaverunt Agnes supradicti Renardi uxor et omnes liberi eorum, Renaudus scilicet, Gauterius, Stephanus, Petrus, Margarita, Gertrudis et Aaliz. Hujus rei testes sunt Bernardus de Nogento , Leonardus de Marmania , Robertus de Curcellis capellani, Humbaudus de Rubeo Monte , Bartholomeus aus Poces , Renerius de Chaudoisaul , Teobaudus de Monte Barro prepositus. Ut igitur hoc ratum sit et firmum in posterum ad preces ipsius Renardi presenti pagine sigillum meum apponi precepi. Anno verbi incarnati m° cc° iiii°.