Ego O., archipresbiter de Tullione , notum facio tam futuris quam presentibus quod Willermus Bechecho , laudante conjuge sua et fratribus suis Gileberto et Hugone, concessit in elemosinam perpetuam ecclesie Fonteneti campum qui vocatur de Curta Roia, campum quoque qui vocatur de Longa Roia, et cum eo pratum quoddam quod est apud Nojent . Invadiavit eidem ecclesie pro xv libras proviniensis monete et habebit inde singulis annis cenusaliter ii os solidos in marcio. Donavit etiam predicte ecclesie vineam suam desupra chiminium et terram eidem vinee contiguam post mortem suam et habuit inde xl a solidos et uxor ejus que hoc totum laudavit x solidos. Gislebertus quoque laudante conjuge sua et fratribus suis Willermo et Hugone donavit jamdicte ecclesie in perpetuum quicquid possidebat a domo leprosorum de Nojent usque Marmaniam ad censum ii os solidos qui reddendi sunt in marcio. Hugo etiam Bechecho , laudante conjuge sua et fratribus suis, donavit in perpetuam elemosinam ecclesie sepedicte pro animam Bernardi fratris sui v e jugera terre apud Marmaniam usque ad Nojent et pratum quoddam juxta molendinum de Curtre pro xii libris proviniensis monete tali conventione quod vadia ista redimere non poterit nisi in marcio et si terra sumbrata fuerit nisi post secundum bladum redimi non poterit. Hec omnia tam dona quam vadia laudavit Renardus de Curcellis cum conjuge sua et liberis suis quia ad ejus chasamentum pertinebant et habuit propter hoc vi libras de beneficio ecclesie. Hujus rei testes sunt Bernardus de Grinione , Humbertus, Gaudricus. Quod totum ut ratum habeatur in posterum sigilli nostri impressionem in testimonium adhibui. Anno ab incarnatione Domini m° c° xc° iiii°.