Ego Matildis, comitissa Grinionis , notum facio presentibus pariter et futuris quod ecclesie et fratribus Fonteneti in perpetuam elemosinam dedi et concessi pratum unum quod emeram de quadam muliere de Marrigne et totum censum prati quod habebam in vadimonio ab hominibus nostris de Grangiis, scilicet a Rodulfo Mosnerio et Gauterio frater ejus et Martino filio Radulfi et totam gageriam ipsius prati et etiam potestatem ipsum pratum adquirendi. Concessi etiam eis quicquid adquisierant vel in futuro adquisituri erant de chasamentis meis, ita tamen ut chasatus non amittatur. Iterum concessi eis quicquid adquisierant ab hominibus meis, scilicet ab Herardo preposito vineam unam et a filio ejus pratum unum et a Radulpho filio Engelberti vineam unam et pratum et oschiam de pascuis et a Bartholomeo de Saigni vineam i et a Symeone et fratribus ejus et liberis eorum vineam i et ab Hugone Rufo vineam i, a Martino Jorne pratum i, et a Petro clerico, filio Radulphi Litet pratum i, laudantibus tribus fratribus ejus, a Martino de Grangiis, genero Johannis de Porta pratum i, laudante ipso Johanne, a Constantio Cor vacce pratum i, a Gauterio Achopardo et ab Henrico fratre ejus pratum i, et a Guiardo Arcopardo pratum i et a Pontio filio Roberti pratellum i. Insuper quicquid adquisierant ab hominibus meis in terris in pratis in vineis sive emptione sive elemosina sive alio quolibet modo de quibus sine juris defectu investiti erant anno m° c° xc° vi° dominice incarnationis mense octobri in perpetuum possidere et absque ulla contradictione eis concessi. Hujus rei sunt testes Hubertus abbas Fonteneti et totus ejusdem loci conventus, Odo archipresbiter Tullionis , Oliverius de Grinione , Matheus de Estez , Pontius de Chaace et Milo frater ejus, Renerius de Sancta Columba , Teobaudus prepositus Montis Barri et multi alii. Quod totum ut firmum perseveret in perpetuum presentem paginam sigilli mei impressione roboravi.