Humbertus, Dei gratia Eduensis episcopus, dilecto sibi in Christo fratri Willermo abbati Fonteneti ejusque successoribus in perpetuum regulariter substituendis. Postulasti dilecte in Domino frater totaque per te cui prees congregatio quatinus dona et concessiones vel alias adquisitionesecclesie cui Deo actore presides factas decreti nostri sigillato privilegio confirmaremus quatenus firmiori ea munimine in perpetuum eadem ecclesia possideret. Quia igitur dignum est justis postulationibus assensum prebere sicut bone memorie predecessorem nostrum domnum Stephanum episcopum fecisse cognovimus, nos quoque sub sancte Eduensis ecclesie tutela et protectione monasterium ipsum quod Dei dispensatione regis suscipimus et presentis scripti patrocinio communimus, statuentes ut quecumque bona seu possessiones in presentiarum idem monasterium in nostro episcopatu possidet sive in futurum possessurum est, firma ei illibataque in perpetuum permaneant. Suite jusqu'à "Amen" remplacée par "(on détaille les biens confirmés)" Nominatimque prefati predecessoris nostri dona et Eduensis capituli assensum et concessionem illorum donorum predicto monasterio confirmamus, dona scilicet vallis in qua jamdictum monasterium sedet, donum loci domni Martini heremite cum omnibus appenditiis suis, donum grangie Jailiaci seu Carmeti cum omnibus appenditiis suis, donum terrarum grangie Flaciaci, donum aasentiarum de terris nostris, ut in carta inde scripta et confirmata habetur, donum adquisitionis chasamentorum nostrorum, donum totius decime omnium possessionum sepedicti monasterii ubicumque in nostro episcopatu sunt vel future sunt ad cujuscumque ecclesiarum nostrarum jus antea pertinuerit. Expressiusque de presentibus possessionibus loquentes nominamus et confirmamus ecclesie Fonteneti totam decimam grangie Aringiarum , in quocumque sit, sive in nutrimento sive in annona seu in vino sive in alio quod decimari soleat, totam similiter decimam grangie Jailliaci seu Carmeti, totam decimam vallis in qua abbatia sedet, totam decimam grangie Sancti Aniani, totam decimam grangie Flaciaci, similiter ubicumque sit. Pro cujus tamen grangie decima quia Girardus quidam tunc Saigniaci presbiter , in cujus parrochia pars territorii grangie est, querelam licet injuste commoverat — nam Fontenetensis ecclesia habet de omni decima sua privilegium et domini pape Innocentii cum universo ordine Cisterciensi et sepedicti predecessoris nostri cum laude et assensu conventus Eduensium canonicorum — nos tamen providentes utriusque ecclesie perpetue paci quia utraque ecclesia nostra est, acceptum missale a Fontenetensi ecclesia dedimus ecclesie Saigniaci et decimam jamdictam, laudante predicto Girardo confirmavimus ecclesie Fonteneti.

Affuerunt rei huic domnus Constantinus Ungiacensis abbas, dominus Gaufridus archidiaconus noster, Arnoldus Sedelocensium canonicorum decanus, Hermuinus archipresbiter , Haymo canonicus Ungiacensis .

De quadam etiam terra quam Fontenetenses de elemosina predecessoris nostri esse dicebant, sed Girardus de patrimonio eclesie Saigniaci esse reclamabat, hanc fecimus concordiam quod Fontenetenses dederunt ecclesie Saigniaci librum qui apellatur agende 1. Et nos, laudante Girardo, terram illam ecclesie Fonteneti concessimus sicut eam a predecessore nostro se accepisse cum aliis terris Flaciaci dicebant. Actum est2 Edue in domo nostra presentibus archidiaconibus nostris Gaufrido et Siguino et multis aliis. Decernimus ergo ut prefatas ecclesie Fonteneti possessiones, et si que sunt alie a quibuscumque collate vel in futurum conferende, nulli liceat vel minuere vel auferre vel ademptas retinere vel injustis vexationibus ecclesiam pro eis fatigare. Quod si qua vel ecclesiastica secularisve persona scienter contra hanc decreti nostri censuram et appositi sigilli reverentiam facere presumpserit, actoritate Dei et nostra qua fungimur a sacratissimo corpore et sanguine Domini et ab ejus ecclesia eum excommunicamus et in perpetuum nisi resipiscat eadem excommunicatione a consortio justorum separamus. Pax sit custodientibus eam. Amen.

Confirmationi huic Edue in synodo acte, anno ab incarnatione Domini m° c xl° ii° , vi° idus Novembris, affuerunt et laudaverunt archidiaconi nostri Gaufridus , Henricus filius ducis et Humbertus.