Eugenius, episcopus, servus servorum Dei, dilectis filiis Guillelmo abbati de Fontaneto ejusque fratribus tam presentibus quam futuris regularem vitam professis in perpetuum1. Desiderium quod ad religionis propositum et animarum salutem pertinere monstratur, animo nos decet libenti concedere et petentium desideriis congruum impertiri suffragium. Eapropter, dilecti in Domino filii, vestris justis postulationibus clementer annuimus et prefatum locum de Fontaneto, in quo divino mancipati estis obsequio, sub beati Petri et nostra protectione suscipimus et presentis scripti privilegio communimus. Statuentes ut quascumque possessiones, quaecumque bonaa in presentiarum juste et canonice possidetis aut in futurum concessione pontificum, largitione regum vel principum, oblatione fidelium seu aliis justis modis Deo2 propitio poteritis adipisci firma vobis vestrisque successoribus et illibata permaneant, in quibus haec propriis duximus exprimenda vocabulis : Vallem ipsam in qua eadem abbatia sita est, cum omnibus finibus suis ; grangiam Carmeti cum omnibus appenditiis suis ; dona Stephani Eduensis episcopi de terris et de aasentiis suis, scilicet terras ad excolendum sine tertiis et nemus ad omnem usum, etiam ad ardendum in agricultura ; grangiam Fontanarum cum appenditiis suis ; dona 3 Rainardi domini Montis Barri de aasentiis suis et pasturis suis ; grangiam Puteoli cum omnibus appenditiis suis ; grangiam Flaciaci cum omnibus appenditiis suis ; locum sancti Aniani cum appenditiis suis omnibus ; grangiam Aringiarum cum omnibus appenditiis suis. Sane laborum vestrorum, quos propriis manibus aut sumptibus colitis, sive de nutrimentis vestrorum animalium, nullus omnino clericus vel laicus decimas a vobis exigere presumat. Decernimus ergo ut nulli omnino hominum liceat prefatum locum temere perturbare aut ejus possessiones aufferre vel ablatas retinere, minuere seu quibuslibet vexationibus fatigare, sed 4 5 omnia integra conserventur eorum pro quorum gubernatione et sustentatione concessa sunt, usibus omnimodis profutura, salva Sedis apostolicae aucthoritate. Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit, secundo tertiove commonita, si non reatum suum digna satisfactione correxerit, potestatis honorisque sui dignitate careat reamque6 se divino judicio existere de perpetrata iniquitate cognoscat et a sacratissimo corpore ac sanguine Dei et domini redemptoris nostri Jesu Christi aliena fiat atque in extremo examine districtae ultioni subjaceat. Cunctis autem eidem loco justa servantibus sit pax domini nostri Jesu Christi, quatinus et hic fructum bonae actionis percipiant et apud districtum judicem premia eternae pacis inveniant. Amen. Amen. Amen.

[Rota]7 8Sanctus Petrus, Sanctus Paulus. Eugenius papa tertius.

9Fac mecum Domine signum in bonum.

10 11Ego Eugenius catholicae ecclesiae episcopus.

Ego Conradus Sabinensis episcopus.

Ego Theodeguinus12 sanctae Rufinae sedis 13 episcopus.

Ego Thomas presbiter cardinalis tituli Vestinae.

Ego Nicolaus presbiter cardinalis tituli sancti Ciriaci.

Ego Hugo presbiter cardinalis tituli in Lucina.

Ego Guido diaconus cardinalis sanctorum Cosmae et Damiani.

Ego Octavianus diaconus cardinalis sancti Nicolai in carcere Tulliano.

Ego Jordanus Romanae ecclesiae diaconus cardinalis.

Datum Biterbi per manum Roberti sanctae Romanae ecclesiae presbiteri cardinalis et cancellarii, decimo sexto14 calendas julii, indictione octava15, incarnationis dominicae anno millesimo centesimo quadragesimo quinto16, pontificatus vero domini Eugenii tertii17 papae anno primo18.