Ego Stephanus, Dei gratia Eduensis episcopus, notum fieri volo presentibus et futuris quod Osmundus et Odo frater ejus de Marmania dederunt in elemosinam perpetuam ecclesie Fonteneti laudantibus sororibus suis Adelina et Petronilla xx ti solidos quos annuatim dabant eis monachi Fonteneti in martio pro omnibus querelis quas tam pater eorum quam ipsi habuerant adversus eamdem domum Fonteneti. Calumpniati enim fuerant eis decimas in terris quas excolebant in territorio Fanii, partem etiam orti subtus abbatiam et pratum sub chimino Fanii ubi miles jacet, et leschariam desuper Fanium, et terram supra eamdem lescheriam ubi salices edificate erant, et omnes vineas quas monachi tenebant in territorio Fanii, vineam scilicet Rainaldi Esbrasati , vineam Odonis Brandun , vineam Varnerii Viticot et terram quam habebat ad censum pro duobus nummis in costa Morville. Quicquid in his omnibus juris habebant Osmundus et Odo ecclesie Fonteneti concesserunt ad censum xx ti solidorum quos postea predicte ecclesie sicut prediximus in elemosinam dederunt et mansum in quo grangia eorum erat quod tenuerunt Andreas et Felix et quicquid habebant a rivo de Curtresum usque ad finagium Marmanie a chimino sursum et quicquid habebant in Grenchessania in bosco et in plano. Hoc totum factum est laudantibus sororibus eorum et sciendum quod pro hac elemosina habuerunt de beneficio ecclesie xxx ta libras. Unde testes sunt monachi Fonteneti Willermus de Naille , Willermus de Curte Rabodi et Hugo frater ejus, Odo archipresbiter Tullionis , Umbertus capellanus de Raveriis , Stephanus Villanus et Petrus Allerez . Hec omnia se fecisse, dedisse et laudasse coram me recognoverunt duo supradicti fratres Osmundus et Odo et ut sigillo nostro confirmarem postulaverunt. Proinde ut ista in posterum stabili firmitate conserventur cartam presentem sigilli nostri munimine confirmamus et omnes qui de hiis ecclesiam Fonteneti in aliquo vexare aut dampnum aliquid ausi fuerint inferre donec resipiscant anathemate dampnamus, amen. Actum anno incarnationis domini nostri Ihesu Christi millesimo centesimo lxx° vii°.