Ego Stephanus, Dei gratia Eduensis episcopus, et ego Gauterus, eadem Dei gratia Lingonensis episcopus, notum fieri volumus presentibus et futuris quod Teobaudus de Barro laudavit et concessit ecclesie Fonteneti elemosinam quam eidem ecclesie fecerat Johannes dominus de Sarmasia cujus filiam in matrimonio idem Teobaudus habebat. Ipse namque Johannes dedit in elemosinam ecclesie Fonteneti quicquid juris habebat in decima de Estormer . Concessit etiam Fontenetensibus ut quocumque modo possent ipsam decimam adquirerent ab hominibus suis qui eam ab illo tenere dicebantur in chasamento. Hanc elemosinam et hanc concessionem domini Johannis dominus Teobaudus laudavit ecclesie Fonteneti sicut dictum est. Concessit similiter Fontenetensibus ut quocumque modo possent casamentum suum de Estormer adquirerent. Hujus rei testes sunt Odo archipresbiter Robertus de Rice , Si[…] nepotes ipsius, Wil[…] et eamdem elemosinam sin di Margarita. Unde sunt testes Brachegenolle , Hugo Curebois et Robertus cognatus ejus, Silvester prepositus de Cruse et Milo sororius ejus. Et nos hec omnia sigillorum nostrorum impressione munientes episcopali auctoritate prohibemus ne quisquam de hiis ulterius ecclesiam Fonteneti gravare presumat. Qui autem hiis contraire presumpserit anathema sit donec resipiscat. Anno Domini m° c° lxx°.