Ego Petrus, Dei gratia sancti Benigni Divionensis abbas et domini Manasse episcopi Lingonensis vicarius, notifico pre-|2|-sentibus et futuris quod duo fratres de Lania, Matheus videlicet et Arnulfus, invadiaverunt fratribus de Fonteneto |3| partem suam pasturarum de Lania pro .XX. libris, tali conditione quod nisi de propriis denariis eam redimere non poterunt |4| nec ab altero redimi facient. Cum vero eam redemerint alteri vendere vel invadiare eandem non poterunt, nisi prius |5| eosdem fratres inde submonuerint. Quod si idem fratres tantum inde eis dare noluerint quantum ab altero eis oblatum fuerit, |6| exinde cuicumque placuerit eis vendere aut invadiare licebit. Quamdiu autem jamdicti fratres eandem pasturam |7| habuerint, ipsi videlicet Matheus et Arnulfus eis adversus omnes homines si necesse fuerit guarentiam portabunt |8| nec aliorum animalia nisi sua aut hominum suorum propria pascere ibi permittent, sed ad usus animalium Fonteneti fideliter |9| eam defendent. Et sciendum quod postquam eadem guageria redempta fuerit, animalia fratrum quadraginta diebus |10| post redemptionem in eadem pastura libere et quiete sine ulla calumpnia pasturabunt. Hec autem omnia |11| isdem Matheus super sancta juravit se per omnia fideliter custodire. Hujus rei testes sunt Walterius de Ar-|12|-genteolo , Robertus de Riceio et Thomas frater ejus, Silvester prepositus Tornodori , et Adam nepos ejus. |13| Hoc totum laudavit Lora uxor ejusdem Mathei. Unde testes sunt Rocelinus de Lania , Thomas |14| de Riceio , Hugo filius Pagani de Lania , Clarus de Lania , Hugo Billart , Raimbaudus de |15| Marcennaco . Actum anno incarnationis Domini millesimo centesimo nonagesimo.