Ego Henricus Dei gratia Eduensis episcopus presentibus et futuris notifico querelam quam adversus ecclesiam Fonteneti movebat Odo de Yssodun , comes Grinionis , de elemosina fratris mei Rai]mundi in presentia nostra sic fuisse terminatam. Concesserat predictus Raimundus fratribus Fonteneti pro anima sua et antecessorum suorum quicquid ejus chasati de dominio Grinionis eis darent pro elemosina de chasamento suo sic tamen ut chasatum non perderet. Postea super hoc movit querelam Odo de Yssodun ad quem devenerat terra Grinionis ex parte Matildis conjugis sue filie Raimundi . Unde utraque pars, Odo videlicet et monachi ante me convenerunt. Recognitum est et legitimorum virorum irrefragabili testimonio comprobatum hoc donum fecisse fratrem meum Raimundum priusquam predicte puelle matrem duxisset uxorem Liste des témoins omise et remplacée par 'etc.' . Hoc etiam afidaverunt in manu mea verum esse Odo de Froleio , Wido de Curte Rabo[di , Johannes de Sancta Columba , Petrus Huldrei . Huic tam perspicue veritati predictus Odo nolens amplius contraire, guerpivit in manu Hugonis Fontenetensis abbatis omnem querelam quam moverat adversus Fontenetensem ecclesiam et elemosinam tam legitime factam ratam concessit Suite omise et remplacée par etc et in capitulo coram fratribus eis laudavit quicquid ea die tenebant in terris, in decimis, in pratis, in vineis. Concessit etiam scambium quod fecerant de terra Lamberti et Engelberti et fratrum suorum et scambium de terra Eremberti. Hujus rei testes sunt Petrus abbas monasterii Sancti Johannis , magister Aldebertus decanus Sedeloci , Galterius archipresbiter Eduensis , Hugo archipresbiter Pulleniaci , Jordanus archipresbiter Tullionis , Amelius de Dun , Stephanus Bornus de Vestan , Ranaldus vicecomes Rubei Montis , Wido de Venerre , Renerius de Frollesio , Wiardus de Grinione , Hugo de Turre , Symon de Curtenge , Renerius de Sancta Columba . Ipse quoque Odo ad munimen hujus rei carte huic sigillum suum apponi precepit. Hec omnia laudavit Matildis conjunx ejus. Unde testes sunt Abraham abbas de Pratea Suite omise et remplacée par etc. , Robertus clericus de Marolio , Stephanus Niger, Amicus de Castro Novo , Odo Barduns . Nos igitur hec omnia confirmantes et proprii sigilli impressione communientes Dei et nostra auctoritate interdicimus ne quis super his aliquam Fontenetensibus injuriam inferre presumat. Quod si quis presumpserit anathematis eum gladio percellimus donec eisdem ipsis congrue satisfaciat. Actum est hoc apud Saigniacum xvii kalendas Maii et in crastino recognitum et confirmatum in capitulo Fonteneti, anno ab incarnatione Domini m° c° lx° v° .