C. In nomine sanctae et indiuiduse trinitatis. Heinricus diuina fauente clementia rex. Omnibus sanetse dei ecclesiae fidelibus presentibus et futuris notum fieri uolumus, qualiter nos tarn pro nostrae remedio animae quam pro dilectissimae contectalis nostrae Cunigunde uidelicet reginae peticione, nee non et familiarissimi nobis Eberhardi cancellarii pia interuentione, insuper amabillimi nostri Egilberti¹ (episcopi assidua) obsequendi (!)² admonitione quedam nostri iuris predia Uueliza et Linta vocitata in provincia Karinthia et in co(mitatu Adelberonis sita cum) familiis utriusque sexus et cum curtiferis, areis, aedifieiis, terris cultis et incultis, uiis et inuiis, exitibus et reditibus, qua?(sitis et inquirendis), rebus mobilibus seu immobilibus, aquis earumue decursibus, molis, molendinis, piscationibus, siluis, saginis, uenationibus, apum paseuis, paludibus, alpibus, uallibus, planiciebus [et] omnibus rebus iuste uel legaliter ad eandem cortim respicientibus, ad ecclesiam sanetse dei genitricis sanetique Corbiniani Christi confessoris omnium contradictione remota hac nostrae auctoritatis praeceptali pagina donantes proprietauimus eo scilicet tenore, ut prelibatus episcopus suique successores liberam dehinc habeant potestatem eadem antedicta predia tenendi, possidendi, commutandi, uel quicquid sibi libeat modis omnibus inde faciendi. Et ut haec nostrae tradicionis auctoritas stabilis et inconuulsa permaneat, hanc cartam manu propria roborantes sigilli nostri inpressione insigniri iussimus.||
Signum domni Heinrici (M.) regis inuictissimi.||
Eberhardus cancellarius uice Uuilligisi archicapellani recognoui.||
Data VI. idus Mai, indictione V., anno dominice inearnationis M VII., anno vero domni Heinrici secundi regni V. Actum Babenbere feliciter amen.

Source Fulltext: ZAHN, Codex Diplomaticus (=FRA II/31, Wien 1870) S. 55-56