Charter: Freising, Bistum und Hochstift (763-1364) 1049 I 07
Signature: 1049 I 07
Add bookmark
Edit charter (old editor)
7. Januar 1049, Ebersberg
Kaiser Heinrich III. schenkt dem Bischofe Nitker von Freising ein dem Fiscus anheimgefallenes Stück Land zu Ardagger in der Ostmark mit der Verpflichtung den daselbst bestehenden Secularconvent von Priestern in einen stiftlichen zu verwandeln.Source Regest: ZAHN, Codex Diplomaticus (=FRA II/31, Wien 1870) S. 78, Nr. 76
Archiv für Kunde österr. Geschichtsquellen VI. 293, aus einem Cod. des 12. Jahrh. der Klosterbibliothek zu Seitenstetten; vergl. Duellius Miscell. I. 106 u. Meichelbeck I. 243.
In nomine sancte et induidue trinitatis. Heinricus diuina fauente clementia Romanorum imperator augustus. Quoniam ex iure suscepti regni omnibus ecclesiis Romani imperii debitam sollicitudinem debemus impendere, uolumus unamquamque quantum nobis ex diuine gratie munere conceditur, procurare et ad dei seruitium promouere. Vnde quidem omnes Christe nostrique tam futuri quam presentes nouerint fideles, qualiter nos pro anime nostre felicitate et ante cessorum nostrorum requie et ob interuentum nostri thori ac regni consortis scilicet Agnetis imperatricis auguste et ob deuotam seruitutem nostri fidelis et dilecti Nitkeri Frisingensis episcopi ad altare sancte Marie semper uirginis sanctique Corbiniani confessoris in monasterio Frisinga tale predium quale Vlrich et Ascuuin in Ardack(er) in comitatu marchionis Adalberti trans fluuium Ensa habuerunt, iure gentium nostre potestati dicatum tradidimus cum omnibus suis pertinentiis, cum mancipiis scilicet utriusque sexus, areis, edificiis, agris, pratis, campis, pascuis, terris cultis et incultis, siluis, uenationibus, aquis aquarumque decursibus, molis, molendinis, piscationibus, exitibus et reditibus, uiis et inuiis, quesitis et inquirendis et cum omni iure et utilitate que ullo modo poterit prouenire, ea uidelicet ratione, ut prefatus episcopus et sui successores in predicto loco Ardacher clericos seculares ad dei seruitium pascant et sustentent regulari prebenda in honorem sancte Margarete uirginis et martyris ibidem constitutos et congregatos. Et ut hec nostra imperialis traditio stabilis et inconuulsa omni succedentis temporis permaneat euo1, hoc preceptum inde conscriptum manu propria corroborantes sigilli nostri impressione iussimus insigniri. Termini autem prefati predii isti sunt, ab Holesceit usque in Sambach, a Sambach usque in Tieufenbaeh. Data VII. idus Ianuarii anno dominice incarnationis MXLVIIII., indictione II., anno autem domini Heinrici tertii regis imperatoris secundi ordinatione eius XX., regni quidem X., imperii autem III. In nomine domini actum Eberesperg feliciter amen.
Source Fulltext: ZAHN, Codex Diplomaticus (=FRA II/31, Wien 1870) S. 78-79
Original dating clause: VII. idus Ianuarii
Language:
Notes:
1 Duellius liest succedentia und alle Drucke haben ideo; ich vermuthe, dass euo zu lesen sei, denn die Lesung succedentia ist wohl nur sehr plausibel, mit succedentis ergibt sich kein Sinn.
Places
- Ebersberg
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
