† In nomine sancte et indiuidue trinitatis. Albertus dei gratia Frisingensis episcopus omnibus Christi fidelibus orationes cum salute perpetua. Quoniam quidem uniuersitati ecclesiarum presertim ecelesie dei miseratione nobis collate pro posse nostro subuenire in bono pacis aliisque commoditatibus tenemur, contractum inter dilectum fratrem nostrum abbatem Peringerum sancti Lamberti confratresque suos et dominum Dietimarum de Liethnstein celebratum ad peticionem ipsorum sigillo nostro de consensu capituli nostri et ministerialium nostrorum confirmare decreuimus. Iam dictus igitur Dietimarus de Liethnstein vii mansos iuxta Lazinich uulgo propter nouitatem gervt appellatos cum adtinenti silua et omnibus colendis que tangit siluam Razman uulgariter dictam, a nobis in feodo habitos ecclesie sancti Lamberti libere tradidit ex permissione nostra recipiens ab ipsa ecclesia in concambio Medwetstorf et rnolendinum ibidem, in Mitterdorf duo predia, in Lonk unum, in Huntstorf prope Vndrim unum, in Segor unum, in Celtvvich duo, in Ratenberch duo, superius iuxta Mvram apud Purchstal duo, in Gezendorf unum, super additis lx marcis denariorum, quod idem Ditimarus a nobis in feodum, ut puta possessiones priores recepit, ecclesia sancti Lamberti intrante liberam proprietatem possessionum supra dietarum. Acta sunt hec apud Frisacum in presentia nobilis et magnifici ducis Styrie Otakeri, annuente capitulo nostro, fauentibus ministerialibus nostris, datis hiis testibus, Ditrico uenerabili episcopo Gurcensis ecclesie, Rodolfo abbate de Admund, Werinhero preposito de Sekkowe, Vvlfingo de Kaphenberch, Otto de Stubenberch, Svvikerus de Gestinich, Otto de Kremes, Herrandus de Uvildonia, Lantfridus de Dirnstain, Otto de Stain, Offo de Teuphnpach fraterque eius Ulricus de Chustelvvanch, Vvaltmannus de Pastperch ministerialis ecclesie Frisingensis, Chunradus de Velze officialis eiusdem ecclesie, Arbo et Walchunus de Dirnstain, Ditricus de Puchse, Marchuvvardus de Schalvn, Ditimarus. de Haslar, Peringerus de Paierdorf, Poppo de Vvokenperge, Albertus Schuchprenne, Gerungus de Waissendorf, Engilscalcus Longus, Eberolfus et frater eius Otto de Stretevvich, Rvzo iudex de Frisaco,. Albertus de Turri, Wasgrimus thelonearius, Pero, Rodolfus, Hartmudus, Waltricus, Ditimarus et alii quam plures fideles ecclesie. Datum Frisaci, anno domini millesimo C°.L°XXX°.I°.

Source Fulltext: ZAHN, Codex Diplomaticus (=FRA II/31, Wien 1870) S. 115-116