Charter: Freising, Bistum und Hochstift (763-1364) 1263 VI 02
Signature: 1263 VI 02
Add bookmark
Edit charter (old editor)
2. Juni 1263, Lack
Graf Fridrich von Ortenburch beurkundet seinen Vergleich mit Bischof Konrad von Freising betreffs gegenseitig angethaner Schäden und namentlich betreffs des Verzichtes seiner Dienstleute Heinrich und Fridrich von "Waldenberch" auf Liegenschaften zu Wartenberg, Okroglo und Draschitz.Source Regest: ZAHN, Codex Diplomaticus (=FRA II/31, Wien 1870) S. 238, Nr. 226
Cod. 191, f. 14
Nos Fridericus comes de Ortenburch per presens scriptum notum facimus presentibus et futuris, quod dum aput Lok accedentes fuissemus in presencia domini nostri Chvnradi venerabilis episcopi Frisingensis constituti, super emendis et satisfactionibus dampnorum hinc et inde irrogatorum fuit inter cetera que inter ipsum dominum episcopum et nos tractabantur, quedam actio et impeticio decisa taliter specialis videlicet quod fideles nostri Heinricus et Fridericus fratres de Waldenberch et eorum heredes resignauerunt in manus ipsius domini episcopi omne ius quod videbantur habere in Wartenberch et Ochoelach et Trasich, renunciaruntque omnibus actionibus siue impeticionibus quas pater illorum et ipsi et eorum heredes mouere poterant uel possent contra ecclesiam Frisingensem. Econuerso autem ipse dominus noster episcopus pro huiusmodi resignacionibus et renunciacionibus factis promisit antedictis duobus fratribus et eorum heredibus circa proximum nunc beati Georii festum se daturum xx marcas Aquilegensium denariorum antiquorum et conferre ipsis et eorum heredibus redditus trium marcarum Aquilegensium, quam cito pretextu homagii siue in Carinthia siue in Carniola vel in Marchia se offerret locus pariter et facultas. Nos vero etiam eodem die pretextu concordie inter ipsum dominum episcopum et nos inuiolabiliter obseruande, cessimus omni iuri et actioni quod et quam solummodo super alpes inter confinia vtriusque prediorum sitas allegauimus nos habere, actionibus inposterum reseruatis et suspensis quas ad inuicem inter nos super homines proprios mouere possumus hinc et inde. Acta sunt hec apud Lok, anno domini M. CC. LXIII., IIII. nonis Junii, istis presentibus Heinrico Vertingo, Wernhero, Chvnrado et Jacobo fratribus de Lok, et Eberhardo ministeriali ecclesie Frisingensis et Leutzmanno milite de Ortenburch et Leutoldo de Waldenberch, Vllino, Chvnzone et Rinhardo et Maerchlino de Bitersperch. Et ne igitur omnia prelibata possint tradi obliuioni vel per aliquem in posterum infringi uel mutari, presentem paginam nostri sigilli munimine iussimus roborari et nos omnium predictorum volumus esse auctores siue gwer erga prefatum dominum episcopum contra fratrem nostrum Henricum comitem de Ortenburch.
Source Fulltext: ZAHN, Codex Diplomaticus (=FRA II/31, Wien 1870) S. 238-239
Original dating clause: nonis Junii
Editions:
- Meichelbcek II./2, 41, Nr. 64
Language:
Places
- Lack
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
