Charter: Freising, Bistum und Hochstift (763-1364) 1301 II 06
Signature: 1301 II 06
Add bookmark
Edit charter (old editor)
6. Februar 1301, Seitenstetten
Abt Konrad von Seitenstetten erteilt seinem Mitrichter in dem Streite um die Pfarre s. Peter am Kammersberge, Pfarrer Heinrich von Judenburg, Aufträge über weiteres Verhalten und Schritte nach dem am 25. Aug. 1300 nicht zu Stande gekommenen Gerichtstage.Source Regest:
ZAHN, Codex Diplomaticus (=FRA II/35, Wien 1871) S. 7, Nr. 438
ZAHN, Codex Diplomaticus (=FRA II/35, Wien 1871) S. 7, Nr. 438
Aus dem Gerichtsacte des Pfarrers Heinrich von Judenburg ddo. 1301, 17. März, Judenburg (Nr. 440.), vgl. diesen.
Speciali ac predilecto dotnino suo H. plebano plebis in Judenburga iudici a sede apostolica delegato Chunradus diuina permissione abbas monasterii in Seitensteten iudex ab eadem sede condelegatus ipsius quicquid potest obsequii et honoris. Cum in causa appellacionis que vertitur inter reuerendum in Christo patrem et dominum . . . . venerabilem episcopum ecclesie Lauentine ex vna et dominum Hugonem rectorem ecclesie sancti Petri prope Weltz super eadem ecclesia ex parte altera, terminus habendus in chrastino beati Bartholomei apostoli transacto proxime ad procedendum apud Judenburgam in eodem termino quemadmodum iuris ordo exigeret, per nostri absenciam et excusacionem factam canonice et alias causas legittimas sit subductus vestram rogamus et hortamur discrecionem omni qua possumus diligencia et affectu, quatenus cum mandatam sedis apostolice negligere non sit conueniens neque iustum, ipsas partes ad certum terminum, quem ipsi negocio expedire videritis, scitetis (!) peremptorie ad procedendum in eadem causa sicut expostulat ordo iuris, scribentes et inhibentes domino Hert. preposito Gurcensi quondam vt dicitur iudici a reuerendo in Christo patre et domino Ch. archiepiscopo ecclesie Saltzburgensis delegato in eadem causa, a cuius audiencia ad sedem apostolicam per antedictum Hugonem extitit appellacio, ne in nostre iurisdicionis a sede apostolica nobis concesse super eadem causa appellacionis preiudicium donec merita ipsius cause fuerint discussa plenius, quicquam attemptare debeat vel eciam audeat innouare. Petimus insuper vt dominum Helm, prepositum sancti Virgilii in Frisaco iudicem condelegatum nostrum commonitum vestris litteris habeatis, vt si sua credat interesse ad scitaciones, inhibiciones et ad alia que via equitatis desiderat, vna nobiscum prout de iure faciendum fuerit, procedere non omittat. Super quibus premissis articulis vobis plenam per presentes damus et committimus potestatem, iure, iurisdicione nobis plenius in omnibus aliis reseruatis. In cuius rei testimonium nostrum sigillum presentibus duximus apponendum. Datum in Seitensteten, anno domini M. CCC. primo, in chrastino beate Agathe virginis.
Source Fulltext: ZAHN, Codex Diplomaticus (=FRA II/35, Wien 1871) S. 7-8
Original dating clause: beate Agathe virginis
Language:
Places
- Seitenstetten
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
