Ich Heugel von Scherfenberch vnd Albrecht mein bru^oder vergehen an disem brief vnd tu^on chunt allen den di in sehent, horent oder lesent, daz wir mit gu^oten willen verchauft haben pyscholf Emchen vnd seinem gotshaus ze Vreysing zwen aigen chnecht Thomasen vnd Peren (!) von sand Choncian mit ir chinden vm czwelf march Aglayer phenning, also daz wir chain ansprach suln mer haben auf di vor genanten chnecht. Daz diseu red stet vnd vnuerbrochen beleib, geben wir disen offen brief mit meinem yngsigel Heugel vnd mit vnsers vetern yngsigel Vlrich von Scherfenberch ze vrchund der warhait. Diseu gelubd sint geschehen vnd diser chauf nach Christes geburd tausent iar, dreuhundert iar vnd darnach in dem achtaeden, an sand Valanteinstach.

Source Fulltext: ZAHN, Codex Diplomaticus (=FRA II/35, Wien 1871) S. 43-44