Ich Jans vnd Leutolt brueder von Chuennring, obrist schenchen in Osterreich vergiechen vnd tuen chunt offenlich mit disem brief, daz wier gar vnd genczleich gewert sein von vnserm herren bischof Chuenrat ze Freising vnd von seinem gotshous der puerchhueten di er vns hat verhaizen vnd gelobt ze geben do er vns behaust gen Enczzesdorf vnd gen Vdmaruelt, vnd sullen w!r furbaz chain voerdrung, noch ansprach haben von der puerchhuete wegen gen im noch gen sein nachchomen noch gen seinem gotshous, wand wir sein der puerchhuet von im gar vnd genczleich verricht vnd gewert. Vnd zue einem vrchund hab wier im, seinen nachchomen vnd seinem gotshous disen brief geben versigelt mit vnsern anhangenden insigeln. Der brief ist geben ze Waidhouen do man zalt von Christes geburd dreuczechen hundert iar, dar nach in dem dreizigistem iar, an sand Jorgen tach.

Source Fulltext: ZAHN, Codex Diplomaticus (=FRA II/35, Wien 1871) S. 268-269