Nos Albertus dei gratia episcopus Frisingensis rocognoscimus et tenore presentium confitemur, quod litteram suprascriptam2 sigillo honorabilis in Christo Chunradi comitis de Schaumberkh prepositi et capituli ecclesie Ardacensis Patauiensis diocesis sigillatam et subscriptam ac signo debito et consueto discreti viri Chunradi Vlrici de Lintz clerici Patauiensis diocesis publici autoritate imperiali notarii consignatam vidimus ac de verbo ad verbum legimus et inspectione diligenti considerauimus et solerti, ita quod omnia et singula de verbo ad verbum in littera prescripta contenta cui hec littera nostra est affixa, tanquam ille ad quem ius patronatus seu ius presentandi predicte prepositure ecclesie Ardacensis dinoscitur pertinere, approbamus, confirmamus et laudamus et ratam esse volumus perpetuis temporibus atque firmam, reseruantes nihilominus nobis et ecclesie nostre Frisingensi omnia iura et consuetudines que et quas de iure et consuetudine in dictam habere dinoscimur ecclesiam Ardacensem. In cuius confirmacionis euidens testimonium presens nostra littera huic presenti littere est affixa et nostri sigilli munimine sigillata. Datum in castro nostro Enzisdorff, anno domini millesimo, trecentesimo quinquagesimo septimo, in vigilia beati Mathie apostoli.

Source Fulltext: ZAHN, Codex Diplomaticus (=FRA II/35, Wien 1871) S. 310-311